ମନକୁ କେବଳ ବର ଚିନ୍ତା

ମନକୁ କେବଳ ବର ଚିନ୍ତା ସଵାରୀ ଭିତରେ କନିଆ ସୁନ୍ଦର ବର ସୁନ୍ଦର ଘର ଅବା ଶ୍ରୀମନ୍ଦିରେ କାଳିଆ

ତୋର ବସାକୁ ଫେରିବା ବାଟରେ

ତୋର ବସାକୁ ଫେରିବା ବାଟରେ କଳା କାଉ ଉଡୁଥିବ ପତିତପାବନ ଯୋଡି ଡେଣା କହିବୁ ବହୁତ ବହୁତ ବେଶୀ ମନେ ପକାଉଛି ତା ଜୀବନ

ସଂସାରୀ ହେଉ ସନ୍ୟାସୀ

ସଂସାରୀ ହେଉ ସନ୍ୟାସୀ ସଦାଚାର କେବଳ ପସରା ସଦାଚାରରେ ସୃଷ୍ଟିର ସ୍ଥିତି ସଦାଚାର ମୁକ୍ତିର ଆସରା

ମୋ ନାହିଁ ତପଃ ଯୋଗ ଧ୍ୟାନ ବଳ

ମୋ ନାହିଁ ତପଃ ଯୋଗ ଧ୍ୟାନ ବଳ ମୁଁହି ଅଭାଗା ଖାଇନି ଗୁରୁଙ୍କ ଛାଟ ମୁଁ ନବଧା ଭକ୍ତିକୁ ଅଯୋଗ୍ୟ ପାତ୍ର କେବଳ ତୁ ଚାହିଁଲେ ହେବ ଭେଟ

ଦୁଃଶାସନର ସହସ୍ର ଚେଷ୍ଟା

ଦୁଃଶାସନର ସହସ୍ର ଚେଷ୍ଟା ଶ୍ରୀହରି ହସ୍ତରୁ ସହସ୍ର ବସ୍ତ୍ର ଅଧର୍ମ ନ ଭେଦେ ଧର୍ମକୁ ଯେତେ ଶାଣିତ କରୁ ଅସ୍ତ୍ର

ଗୋପୀଙ୍କ ପ୍ରେମରେ ପଡି

ଗୋପୀଙ୍କ ପ୍ରେମରେ ପଡି ତୁହି ଜଗିଲୁ ଯମୁନା ଘାଟ ଭକତ ରସିଆ ହରି ହେ ମୁଁହି ଚାହିଁକି ରହିଛି ବାଟ

ସେ ବଡ ରସ ରସିଆ

ସେ ବଡ ରସ ରସିଆ ଯେଉଁଠୁ ଚାଖିବୁ ଚାଖ ଚନ୍ଦନ କସ୍ତୁରୀ ସୁଗନ୍ଧ ଯେଉଁଠି ମାଖିବୁ ମାଖ

ଦେବକୀ ଧରିଲା ଗର୍ଭରେ

ଦେବକୀ ଧରିଲା ଗର୍ଭରେ ବାସୁଦେବ ଧରିଲା ଶିରେ କାଳିଆ ତୋ ପାଦ ପଙ୍କଜ ଏ ଯନ୍ତ୍ର ମନ୍ତ୍ର ହୀନ ଝୁରେ

ଆଖି ଦେଖିପାରେ ନିଜକୁ

ଆଖି ଦେଖିପାରେ ନିଜକୁ ସାମ୍ନାରେ ରଖିଲେ ଦର୍ପଣ ମନ ବୁଝି ପାରଇ ସ୍ୱରୂପ ଗୋବିନ୍ଦଙ୍କୁ କଲେ ଅର୍ପଣ

ଯେତିକି ପଡେ ବରଷା

ଯେତିକି ପଡେ ବରଷା ସେତିକିରେ ବୃକ୍ଷ ତୃପ୍ତି ଆଶା ମୋ ବୈତରଣୀ ମୋର ମନ ନାହିଁ ଶାନ୍ତି

ବହୁତ ବୃକ୍ଷରେ ବସୁ

ବହୁତ ବୃକ୍ଷରେ ବସୁ କହିବୁ କି କଳା କାଉ ଦେଖିଛୁକି ବ୍ରହ୍ମଦାରୁ ତୋ ଠାରୁ କଳା ଆଉ

ଅଦ୍ଧରେ ପାଦପଦ୍ମ

ଅଦ୍ଧରେ ପାଦପଦ୍ମ ଊର୍ଦ୍ଧରେ ପଦ୍ମଆଖି ପୁରତ ପଦ୍ମନାଭ ଅଖିଳ ଆତ୍ମସାକ୍ଷୀ

ପଙ୍କରୁ ତୋଳିଲି ପଙ୍କଜ

ପଙ୍କରୁ ତୋଳିଲି ପଙ୍କଜ ପାଦ ପଙ୍କରେ ଗଲା ଗଳି ରଥରେ ଦେଖିକି କାଳିଆ ମନ ଭୁଲିଗଲା ସବୁ ଅଳି

ରାମ ନାମ ଶାବଳ

ରାମ ନାମ ଶାବଳ କୃଷ୍ଣ ନାମ ଫାଉଡ଼ା ବୃକ୍ଷ ପଡିବ ଉପୁଡି ଗାତ କର ଚଉଡ଼ା

ସରବତ ଲାଗେ ମିଠା

ସରବତ ଲାଗେ ମିଠା ମିଶିଥାଏ ବୋଲି ଚିନି ଶତ୍ରୁ ହୋଇଯାଏ ମିତ୍ର ଆତ୍ମାକୁ ପାରିଲେ ଚିହ୍ନି

Not better than you

Not better than you I am too ordinary I'm after a mobile Merged in worry

ପଙ୍କରୁ ତୋଳିଲି ପଙ୍କଜ

ପଙ୍କରୁ ତୋଳିଲି ପଙ୍କଜ ପାଦ ହୋଇଗଲା ଅସନା ପଙ୍କଜ ଦେବି ଛନ୍ଦାପାଦେ ପୁରିବ କି ମନର ବାସନା

ରାମ ଆଖିକୁ ସୁନ୍ଦର

ରାମ ଆଖିକୁ ସୁନ୍ଦର ରାମ ସୁନ୍ଦର କାନକୁ ରାମ ସବୁରି ଅନ୍ତରେ ରାମ ସୁନ୍ଦର ମନକୁ  

ପିନ୍ଧାଇଲେ ସେ ପିନ୍ଧେ

ପିନ୍ଧାଇଲେ ସେ ପିନ୍ଧେ ଖୁଆଇଲେ ସେ ଖାଏ ହୃଦୟ ବସାଇ ଦେଲେ ବିପଦେ ସମ୍ପଦେ ଥାଏ

ଇଦ ମୁବାରକ

ମକ୍କାରେ ଖୋଜୁଛି ମିଆଁ ଚାରିଧାମ ଖୋଜେ ହିନ୍ଦୁ ଖୋଜିବା ହେବ ସହଜ ଦୁହେଁ ହୋଇଲେ ବନ୍ଧୁ

ପଣସ ଭିତରେ ମଞ୍ଜି

ପଣସ ଭିତରେ ମଞ୍ଜି ମଞ୍ଜି ଭିତରେ ପଣସ ହେ ଆଦି ଅନ୍ତ ରହିତ କି ବୁଝିବି ଛାର ମଣିଷ

ସଂସାରୀ ବୋଲି ଭାବିଥିଲି

ସଂସାରୀ ବୋଲି ଭାବିଥିଲି ପ୍ରଶାନ୍ତିକୁ କଢ଼ାଇଲା ବାଟ କଳ୍ପନା ଯାହାକୁ ଭାବିଥିଲି ସେ ହୋଇଗଲା କଳ୍ପବଟ

ବୃକ୍ଷର ପତ୍ର ଖୋଜୁଥାଏ ଖରା

ବୃକ୍ଷର ପତ୍ର ଖୋଜୁଥାଏ ଖରା ବୃକ୍ଷର ମୂଳ ବାଂଟୁଥାଏ ଛାଇ ବୃକ୍ଷର ସେବାରେ ଏତେ ମନ ବୃକ୍ଷ କୁଆଡେ ପାରେନା ଯାଇ

ସଭିଁକୁ ମିଳେ ଜନ୍ମ

ସଭିଁକୁ ମିଳେ ମୁର୍ତ୍ୟୁ ସଭିଁକୁ ମିଳେ ଜନ୍ମ ଉଦ୍ଧରି ଉଦ୍ଧାରିଲେ ଜଗତ କହେ ଧନ୍ୟ

ଶବ ମଧ୍ୟେ ଶିବ ବସାଇ

ଶବ ମଧ୍ୟେ ଶିବ ବସାଇ ବେଡ଼ିଲୁ ଉଚ୍ଚ ପାଚେରୀ ପାଦୁକା ହେଲା ଜଳମୟ ତୁ ସମ୍ଭାଳ ତୋ ଚାକିରୀ

ଭାବୁଥିଲି ଖାଲି ଦେଖୁଥିବ

ଭାବୁଥିଲି ଖାଲି ଦେଖୁଥିବ ଆଉ ଜମା ନ ପାରିବ ଚାଲି ଚକାଡୋଳା ସୃଷ୍ଟି ସ୍ଥିତି ଲୟ ପତିତ କଣ କଣ ଭାବୁଥିଲି

ଜୀବ ଭିତରେ ଜୀବନ

ଜୀବ ଭିତରେ ଜୀବନ ପାଦରେ ତ୍ରିଗୁଣ ବେଡି କେମିତି ଯିବି ଶ୍ରୀକ୍ଷେତ୍ର ବନ୍ଧନ ନ ପାରେ ଏଡି

ଗଢ଼ିଲୁ ନୀତି ନିୟମ

ଗଢ଼ିଲୁ ନୀତି ନିୟମ ଗଢ଼ିଲୁ ତୁ ଜୀବ ଶବ ନିଦ୍ରା ଯିବୁନି କାଳିଆ ପରିବର୍ତନ ତ ସ୍ୱଭାବ

କୋଷରେ ସର୍ବଦା ରୋଷେଇ

କୋଷରେ ସର୍ବଦା ରୋଷେଇ ଅଜଣା କେତେବେଳେ ସରିବ ଅମାନିଆ ମନ ପୁରୀ ଯାଇଛି ନିଶ୍ଚୟ ଅବଢ଼ା ନେଇ ଫେରିବ

ମହାମାୟା ଗର୍ଭରେ ସନ୍ତାନ

ମହାମାୟା ଗର୍ଭରେ ସନ୍ତାନ ଦେହର ରଙ୍ଗ ମେଘ କଳା ଜନ୍ମ ହେଇନି ଏଡ଼େ ସୁନ୍ଦର ଯେହ୍ନେ ଦିଶେ ନନ୍ଦର ବଳା

ଶାଖାରେ ଥିବାଯାଏ ପତ୍ର

ଶାଖାରେ ଥିବାଯାଏ ପତ୍ର ବୃକ୍ଷ ଚାରିପାଖେ ଛାୟା ମନରେ ଥିଲେ କାମନା ଦେହ ଚାରିପାଖେ ମାୟା

ସ୍ଥୁଳ ଚକ୍ଷୁକୁ ପୁଣ୍ଡରୀକ

ସ୍ଥୁଳ ଚକ୍ଷୁକୁ ପୁଣ୍ଡରୀକ ସୁକ୍ଷ୍ମ ଚକ୍ଷୁକୁ ପୁଣ୍ଡରୀକାକ୍ଷ ଜ୍ଞାନ ଚକ୍ଷୁକୁ ଅନାଦି ତତ୍ତ୍ୱ ଭକ୍ତ ଭାବକୁ ଆନନ୍ଦ ବକ୍ଷ

କିଏ ଚିହ୍ନାଇବ ଗୁରୁ

କିଏ ଚିହ୍ନାଇବ ଗୁରୁ ଇଏ ସଂସାର ଵଣ ଚକ୍ଷୁ ଦେଖଇ ରୂପ ମନ ଦେଖଇ ଗୁଣ

ଗୋଟେ ମଦଭାଟିର ଯେତେ ବାକି

ଗୋଟେ ମଦଭାଟିର ଯେତେ ବାକି ମଦୁଆଟେ ନ ପାରଇ କେବେ ସୁଝି ଅଧାଗଢା ପାଦକୁ ଯେତେ ଖୋଜେ କାଳିଆରେ ତୁ ସତେକି ପାରୁ ବୁଝି

ମଦ ନିଶା ବେଶୀ ଘାରିଲେ

ମଦ ନିଶା ବେଶୀ ଘାରିଲେ ମଦୁଆ ଭୁଇଁରେ ଥାଏ ପଡି ନିଶା ଟିକେ ଖସି ପଡିଲେ ଟାଣି ଦେଉଥାଏ ଏକ ବିଡି

ପୁର୍ଣବ୍ରହ୍ମ ରହିଲା ଅଧାଗଢା

ପୁର୍ଣବ୍ରହ୍ମ ରହିଲା ଅଧାଗଢା କିଏ ସେ ରକ୍ଷା କରିବ ଧର୍ମ କଳିର ମଣିଷ ବଡ଼ ବିଜ୍ଞାନୀ କିଏ ସେ କରିବ ଶୁଭ କର୍ମ

ଭୂମିରେ ବିଞ୍ଚିଣ ମୁଠା ମୁଠା ମଞ୍ଜି

ଭୂମିରେ ବିଞ୍ଚିଣ ମୁଠା ମୁଠା ମଞ୍ଜି ପାଦପ ନୀଳଚକ୍ରକୁ ରହିଲା ଚାହିଁ ଯାହା ଦେଲୁ ତୁ ପାଦରେ ଦେଲି ପ୍ରଭୁ ହେ ତୋ ସୃଷ୍ଟି ସମ୍ଭାଳ ତୁହି

ଆତ୍ମାକୁ କରି ଦୁଇଫାଳ

ଆତ୍ମାକୁ କରି ଦୁଇଫାଳ ସୃଷ୍ଟି କଲୁ ଦେହ ଦେହୀ ମହୀରେ ବଢିଲେ ପାପ ଅଜନ୍ମାରେ ନ ପାରୁ ରହି

ବାଇଶିପାହାଚରୁ ଧୂଳି ପୋଛି

ବାଇଶିପାହାଚରୁ ଧୂଳି ପୋଛି ସର୍ବାଙ୍ଗରେ ହୋଇଲି ବୋଳି ନୀଳକନ୍ଦରରେ ମନ ରହିଲା ମର ଶରୀର ହୋଇଲା ମଳି

Everywhere there is celebration

Everywhere there is celebration I am a two and half day’s guest Thanking your invitation my love The preparations had best taste

ଚିନ୍ତା ନ କର ହେ ମଣିମା

ଚିନ୍ତା ନ କର ହେ ମଣିମା ନାହିଁ ବୋଲି ଗୋଡ଼ ହାତ ତୋ ସଂସାର ଏତେ ବଡ଼ କେହି ତ ଖୋଇବ ଭାତ

କଳା ମେଘ କରେ ବର୍ଷା

କଳା ମେଘ କରେ ବର୍ଷା କଳା ଭଅଁର ଭରେ ମଞ୍ଜି କଳା ଜଗା ପରମ ଶାନ୍ତି କଳା ଡୋଳା ପାରୁ ବୁଝି

With the past in the purse

With the past in the purse The present gazed at future The future gave a cute smile I would be purchase voucher

ଆରେ ମୋର କଥା କଣ କହୁଛୁ

ମୋ କଥା ତୋ କଥା କଣ କହୁଛୁ ଏ ସଂସାର ତା ପ୍ରେମରେ ବାଇଆ ହେଲେ ସବୁ ଗୋପୀଏ କହିଛନ୍ତି କାଳିଆ ଲୋ ଅତି ବଡ଼ ବେହିଆ

କାହାର ନାହିଁ ଆପଣ ପର

କାହାର ନାହିଁ ଆପଣ ପର କାହାର ନାହିଁ କିଛି ଅଭାବ କାଳିଆ ଖୋଜୁଛି ମନଟେ ଯାହା ସଂସାରେ ଦୁର୍ଲଭ

ବୃକ୍ଷରେ ପାଚିଲେ ଫଳ

ବୃକ୍ଷରେ ପାଚିଲେ ଫଳ ମୃଦ୍ୟୁ ପବନରେ ଝଡ଼େ ଅରୁଣ ସ୍ଥମ୍ଭରୁ ଚାହିଁଲେ କାଳିଆରେ ଚିତ୍ତ ବୁଡ଼େ

ନାମ ଛଡାଏ କାମ

ନାମ ଛଡାଏ କାମ ରୂପ ଛଡାଏ ଦ୍ୱନ୍ଦ୍ୱ ରସ ହିଁ କେବଳ ସ୍ପର୍ଶ ହିଁ ବ୍ରହ୍ମାନନ୍ଦ

ଗୁରୁ ପାଖରେ ଥିଲେ

ଗୁରୁ ପାଖରେ ଥିଲେ ଶିଷ୍ୟର ନ ଥାଏ ଭ୍ରାନ୍ତି ବାଟରେ ଚୋର ଭୟ ଘରେ ପହଁଚିଲେ ଶାନ୍ତି

The beloved among the loved ones

The beloved among the loved ones The dearest among the near and dear I am being surprised what you have A piece of wood fills heart with cheer

ସନ୍ତାନ ଆଖିରେ ଦେଖିଲେ ଲୁହ

ସନ୍ତାନ ଆଖିରେ ଦେଖିଲେ ଲୁହ ଜନନୀ ହାତରୁ ଛାଟ ଖସି ପଡେ ଯେବେ ଯେବେ ହୁଏ ଧର୍ମ କ୍ଷୟ ହରି ହେ ତୋ ପ୍ରତି ଆସ୍ଥା ବଢେ

ଯତ୍ନ କଲେ ରତ୍ନ

ଯତ୍ନ କଲେ ରତ୍ନ ପ୍ରଯତ୍ନ କଲେ ହୀରା ନିଷ୍କାମ କଲେ ହରି କୁକର୍ମ କଲେ କାରା