ଶ୍ରୀରାମ ଶ୍ରୀଜଗନ୍ନାଥ

ଶ୍ରୀରାମ ଶ୍ରୀଜଗନ୍ନାଥ ଜାନକୀ ମା ସୁଭଦ୍ରା ଲକ୍ଷ୍ମଣ ଶ୍ରୀବଳଭଦ୍ର ବ୍ରହ୍ମଦାରୁ ଯୋଗନିଦ୍ରା

ହେ ବ୍ରହ୍ମଦାରୁ ମଣିମା ମୋ ଗୁହାରୀ ଶୁଣିମା

ହେ ବ୍ରହ୍ମଦାରୁ ମଣିମା ମୋ ଗୁହାରୀ ଶୁଣିମା ମୋ କାଳ ସରି ଆସେ ଅନ୍ତର୍ଯ୍ୟାମୀ ଜାଣିମା ବାଳକ କାଳରୁ ଛନ୍ଦା ଚରଣ ସ୍ମରଣ କରୁଛି ଥରୁଟେ ଛୁଇଁବାକୁ ଦେଲେ ବୁଝିବା ଗାରିମା

ମୋ ଚତୃର୍ଥ ବୟସରେ ଦିବସ ଗଣୁଅଛି

ମୋ ଚତୃର୍ଥ ବୟସରେ ଦିବସ ଗଣୁଅଛି ଜାଗ୍ରତ କିବା ସ୍ୱପ୍ନରେ ଛୁଇଁବି ଛନ୍ଦାପାଦ ଶଶ୍ମାନ ଭୂମିରେ ଶୟନ କରିବା ଆଗରୁ ଶିରରେ ହସ୍ତ ରଖିବେ କିବା ଶ୍ରୀଗୋବିନ୍ଦ

ଯାହା ଯାହା ମାଗିଛି କେବେ ଦେଇଛୁ କି ତାହା

ଯାହା ଯାହା ମାଗିଛି କେବେ ଦେଇଛୁ କି ତାହା ତଥାପି ମୁଁ ତୁମ୍ଭଙ୍କୁ ଡାକେ ମହାବାହୁ ଚଉବାହା ଇନ୍ଦ୍ରିୟ ବିକାର ଭେଳାରେ ମୁହିଁ ଭାସି ଯାଉଛି ନୀଳାଦ୍ରୀ ବିଜେ ରଥୁ ଥରେ କହିବେକି ଆହାଃ

ହୋରି ବୋଲ ହୁଳହୁଳି ଉଛୁଳି ପଡିଲା

ହୋରି ବୋଲ ହୁଳହୁଳି ଉଛୁଳି ପଡିଲା ଶ୍ରୀଜଗନ୍ନାଥଙ୍କ ନନ୍ଦୀଘୋଷ ରଥ ଗଡ଼ିଲା ଆଖିରେ ଆଖି ମିଳାଇ ଚାହିଁ ମୁହିଁ ରହିଛି କାହିଁ ଚକାଡୋଳା ଥରୁଟେ ନ ଠାରିଲା

ଜ୍ଞାନ ରହିଲା ମୋ ପୋଥିରେ

ଜ୍ଞାନ ରହିଲା ମୋ ପୋଥିରେ ପୂଜା ଭକ୍ତି କେବଳ ତିଥିରେ ଥରେ ଛୁଇଁବିକି ଛନ୍ଦା ଚରଣ ଏତିକି ମାଗୁଣି ଦାଶରଥିରେ

ନର ଦେହ ମାଗିଥିଲି ଦେହୀ ଭେଟିବାକୁ

ନର ଦେହ ମାଗିଥିଲି ଦେହୀ ଭେଟିବାକୁ ଇନ୍ଦ୍ରିୟ ବିକାର ଗହଳିରେ ସରିଲା ଦୀନ ଦେହ ହେଲା ଜରାଜୀର୍ଣ୍ଣ ବ୍ୟାଧି ପରିପୂର୍ଣ୍ଣ ଥରେ ଦର୍ଶନ ଦିଅନ୍ତୁ ଅଧାଗଢା ଜନାର୍ଦ୍ଦନ