Thursday 30 November 2023
ତୁହି ଯେ ମୋହର ମୁଁହି ଯେ ତୋହର
ତୁହି ଯେ ମୋହର ମୁଁହି ଯେ ତୋହର
ଗୋବିନ୍ଦ ହେ ମୁଁ ପଳାଇ ପଶିବି କାହିଁ
ମାୟାରେ ପିଟିଲେ କୁଣ୍ଢାଇ ପକାଇବି
ଗୋବିନ୍ଦ ହେ ମୁଁ କାନ୍ଦୁଥିବି କଇଁ କଇଁ
Wednesday 29 November 2023
ଯେଉଁ ଆଞ୍ଜୁଳାରେ ଥିଲା ଶ୍ରଦ୍ଧା ଭକ୍ତି
ଯେଉଁ ଆଞ୍ଜୁଳାରେ ଥିଲା ଶ୍ରଦ୍ଧା ଭକ୍ତି
ସେହି ଆଞ୍ଜୁଳା ହୋଇଲା ପୁଷ୍ପାଞ୍ଜଳି
ସୁଦାମ ଗରିବ ଅଣ୍ଟାରେ ଲୁଚାଇଲା
ମାଗି ଅଣ୍ଡାଳି ଖାଇଥିଲେ ବନମାଳୀ
Tuesday 28 November 2023
ଭୂମି ଲୋଟିଲେ ପକ୍ଵ ଫଳ
ଯହିଁ ଯହିଁ ଝଡ଼େ ପାଚିଲା ଫଳ
ତହିଁ ତହିଁ ମିଳେ ଭୁରି ଭୋଜନ
ଯହିଁ ଯହିଁ ପଡଇ ବୈଷ୍ଣବ ପାଦ
ତହିଁ ତହିଁ ଉଛୁଳେ ହରି କୀର୍ତ୍ତନ
ମାଆଟି ମୋହର କାଶୀର ଅନ୍ନପୂର୍ଣ୍ଣା
ମାଆ ମୋହର କାଶୀ ଅନ୍ନପୂର୍ଣ୍ଣା
ତେଣୁ କାମରେ ନାହିଁ ମୋ ମନ
ଜୀବକୁ ଦିଏ ମନ ଜାଣି ଆହାର
ନିଶ୍ଚୟ ବାଞ୍ଛା କରିବ ସେ ପୂର୍ଣ
Monday 27 November 2023
Sunday 26 November 2023
ଅତି ପାଖରୁ ତୋତେ ଚିହ୍ନି ପାରିଲିନି
ଅତି ପାଖରୁ ତୋତେ ଚିହ୍ନି ପାରିଲିନି
ହରି ହେ ପତିତର ନାହିଁ ଦିବ୍ୟ ଚକ୍ଷୁ
ଦେହ ଇନ୍ଦ୍ରିୟକୁ ସେବି ବୟସ ଗଲା
ଆତ୍ମା ଉଦ୍ଧାର ଭୁଲିଗଲା ଏଇ ଭିକ୍ଷୁ
Saturday 25 November 2023
କେଉଁଠି ପାଇବି ଏତେ ଧର୍ଯ୍ୟ
କେଉଁଠି ପାଇବି ଏତେ ମୁଁହି ଧର୍ଯ୍ୟ
କେଉଁଠି ପାଇବି ମୁଁହି ଏତେ ଦୟା
ସେବକ ହେବାକୁ ଅଯୋଗ୍ୟ ମୁଁହି
ମୋତେ ବେଢ଼ିଅଛି ଘୋର ମାୟା
ଯେତେବେଳେ ତୋତେ ଚିହ୍ନି ନ ଥିଲି
ଯେତେବେଳେ ତୋତେ ଚିହ୍ନି ନ ଥିଲି
ନିଜର ପ୍ରାଣଠୁଁ ମାଆ କରିଥିଲୁ ଅଧିକା
ତୁହି ଯଦି ମାଆ ଗୋ ହେବୁ ପାଷାଣୀ
ତୋ ଏ ସନ୍ତାନ ମରିବ କାନ୍ଦି କାନ୍ଦିକା
Friday 24 November 2023
Thursday 23 November 2023
ଦୟା ନଦୀରେ ଭକ୍ତି ଜାଲ ବିଞ୍ଚି ଦେଲି
ଦୟା ନଦୀରେ ଭକ୍ତି ଜାଲ ବିଞ୍ଚି ଦେଲି
କର୍ମ ଖାଳେଇରେ ପଡିଲା କ୍ଷମା ମୀନ
ଧର୍ମ ଚୁଲାରେ ନିଷ୍କାମ କଢେଇ ରାନ୍ଧେ
ଧର୍ଯ୍ୟ ରଖ କୈବଲ୍ୟ ଚାଖିବୁରେ ମନ
Wednesday 22 November 2023
ଏ ସଂସାର ସାଗର ଡ଼ଙ୍ଗାକୁ
ଏ ସଂସାର ସାଗର ଡ଼ଙ୍ଗାକୁ
କୂଳେ ଲଗାଏ ଖଣ୍ଡିଆ ହାତ
ଭକ୍ତି କଉଡ଼ି ଅଣ୍ଟାରେ ଧର
ନ ହେଲେ ନ ବାହେ କାତ
Tuesday 21 November 2023
ମାଆ ମନରେ ତାର ସନ୍ତାନ ଲାଗି
ମାଆ ମନରେ ତାର ସନ୍ତାନ ଲାଗି
ଯେତେ ମମତା ସଞ୍ଚିଅଛୁ ହରି ହେ
ଅଧମକୁ ତହିଁରୁ ଆଞ୍ଜୁଳେ ଦେଲେ
ଏହି ଭବ ସଂସାର ଯିବି ତରି ହେ
Monday 20 November 2023
Sunday 19 November 2023
ପାପ ପଙ୍କେ ଏ ପତିତ ବୁଡି ଯାଉଥିଲା
ପାପ ପଙ୍କେ ଏ ପତିତ ବୁଡି ଯାଉଥିଲା
ହରି ହେ ସାଲୋକ୍ୟରେ ଦେଲ ବସା
ତୋ ଭକତଙ୍କ ପାଦ ସେବି ଦିନ ଯାଉ
ହରି ହେ ସାଜୁଯ୍ୟରେ ରହିଲା ଆଶା
Saturday 18 November 2023
ଶ୍ରୀରାଧା ପାଦକୁ ମଥାରେ ଥୋଇଲୁ
ଶ୍ରୀରାଧା ପାଦକୁ ମଥାରେ ଥୋଇଲୁ
ଗୀତଗୋବିନ୍ଦକୁ ଥୋଇଲୁ ବାହୁରେ
ତୁହି କେଡେ ଉଦାରରେ ଅଧା ଗଢା
ତୋତେ ଆଉଜି ମୋ ଦିନ ଯାଉରେ
ସନ୍ଧ୍ୟା ଉଷା ବୋଧେ ଦୁଇ ଭଉଣୀ
ସନ୍ଧ୍ୟା ଉଷା ବୋଧେ ଦୁଇ ଭଉଣୀ
ଦୁହିଁଙ୍କର ନୀଳ ଶାଢ଼ୀ ନାଲି ଟିକିଲି
ରଜନୀର ଟିକିଲି ଚାନ୍ଦି ରୁପା ଭଳି
ଆକାଶରେ ଯାଉଥିବାର ଦେଖିଲି
Friday 17 November 2023
ମନ ବୋଲି ଯାହା ଥିଲା ଲୋ ମାଆ
ମନ ବୋଲି ଯାହା ଥିଲା ଲୋ ମାଆ
ପାଦରେ ମନ୍ଦାର ଫୁଲ କରି ଦେଲି
ଦେହ ବୋଲି ଯାହା ଥିଲା ଲୋ ମା
ପାଦରେ ଅଳତା କରି ବୋଳି ଦେଲି
Thursday 16 November 2023
Tuesday 14 November 2023
Monday 13 November 2023
ତୁମକୁ କି ଅଭାବ ଥିଲା ହେ ବ୍ରହ୍ମଦାରୁ
ତୁମକୁ କି ଅଭାବ ଥିଲା ହେ ବ୍ରହ୍ମଦାରୁ
ତୁମେ ବୃନ୍ଦାବନରେ ଚରାଇଲ ଗୋରୁ
ଘର ଭଡା ଲାଗି ମୁଁ ଗୁହାଳ ଭାଙ୍ଗିଲି
ଅଧମ ଘରୁ ତଡି ଦେଲି ଗାଈ ଗୋରୁ
Sunday 12 November 2023
କୋଟି କୋଟି ଜୀବ କୋଟି କୋଟି ଅଭାବ
କୋଟି କୋଟି ଜୀବ କୋଟି କୋଟି ଅଭାବ
ପ୍ରତେକ ନିଜ ନିଜର ଭାଷାରେ କରନ୍ତି ଅଳି
ସବୁକୁ ବୁଝାଉ ସବୁକୁ ସୁଝାଉ ତୁ ଅଧା ଗଢା
ପ୍ରତ୍ୟେକ ହାତରେ ତୋର ପାଇଁ ପୂଜା ଥାଳି
ଯାହାର ଡାକରେ ଭାଙ୍ଗିବ ଶବର ନିଦ
ଯାହାର ଡାକରେ ଭାଙ୍ଗିବ ଶବର ନିଦ
ସେ ଗୁଣିଆ ବ୍ରହ୍ମଦାରୁରେ କରେ ବାସ
ଆଜି ମହାପବିତ୍ର ମହାରାତ୍ରି ଦୀପାବଳି
ଆତ୍ମଜ୍ୟୋତିକୁ ଜଳାଇ ଡାକିବା ଆସ
Saturday 11 November 2023
ଯିଏ ଡାକିଦେଲେ ଶବ ଉତ୍ତର ଦିଅନ୍ତା
ଯିଏ ଡାକିଦେଲେ ଶବ ଉତ୍ତର ଦିଅନ୍ତା
ଆଧାର ପତ୍ରରେ ନାହିଁ ତାହାର ଠିକଣା
ସତ୍ୟ ହରିଶ୍ଚନ୍ଦ୍ର ସିନା କେବଳ ସମର୍ଥ
ଦେହର ବଳ କେବଳ ଟଙ୍କେ ଆଠଣା
More and more travelled
More and more travelled
The pathway became narrow
The journey became smooth
Less and less became sorrow
Thursday 9 November 2023
ନୀଳଚକ୍ରରେ ଉଡେ ପତିତପାବନ ବାନା
ନୀଳଚକ୍ରରେ ଉଡେ ପତିତପାବନ ବାନା
ଅଖିଳ ବ୍ରହ୍ମାଣ୍ଡ ଉପରେ ତାର କୃପା ଦୃଷ୍ଟି
ଅତି ଆତୁରେ ଡାକିଥିଲା ଅନ୍ଧ ସୁର ଦାସ
ବୃନ୍ଦାବନକୁ ବାଟ କଢ଼ାଇଲା ହୋଇ ଯଷ୍ଟି
ଘରେ ମୋର ତିନୋଟି ଅଧା ଗଢ଼ା ସନ୍ତାନ
ଘରେ ମୋର ତିନୋଟି ଅଧା ଗଢ଼ା ସନ୍ତାନ
ମିତଣୀ ଲୋ ଆଉ ଦିନେ ଆସିଲେ ବସିବି
ବଇଁଶୀ ଶୁଭିଲାଣି କାଳିଆ ଡାକିଲାଣି ଲୋ
ମିତଣୀ ଲୋ ଆଉ ଦିନେ ଆସିଲେ ଗପିବି
Wednesday 8 November 2023
ଫୁଲ ଫଳରେ ବସୁଧାକୁ ସଜାଉ ସଜାଉ
ଫୁଲ ଫଳରେ ବସୁଧାକୁ ସଜାଉ ସଜାଉ
ସୂର୍ଯ୍ୟକୁ ନିଅଣ୍ଟ ଦିନ ଚନ୍ଦ୍ରକୁ ନିଅଣ୍ଟ ରାତି
ତୁ କେଡେ ସଦୟ ହୃଦୟରେ ଅଧା ଗଢ଼ା
ଆହାଃ କେଡେ ଶୋଭାଟି ବିଶାଳ ଛାତି
Tuesday 7 November 2023
ହରି ହେ ବିଷୟକୁ ଦେଲୁ ଆଶ୍ରୟ
ବିଷୟାକୁ ଦେଲ ଆଶ୍ରୟ ହେ ମଣିମା
ଏ ପତିତ ପାପ ଭାର କାହିଁ ଥୋଇବ
ଜ୍ଞାନ ଭକ୍ତି ବୈରାଗ୍ୟ କିଛି ହିଁ ନାହିଁ
ପତିତ କି ବୈକୁଣ୍ଠେ ଆସନ ପାଇବ
Monday 6 November 2023
ତୁମେ କୁଆଡେ ଭକ୍ତିରେ ଡାକିଲେ ଶୁଣ
ତୁମେ କୁଆଡେ ଭକ୍ତିରେ ଡାକିଲେ ଶୁଣ
ଏ ପତିତ ଭକ୍ତିକୁ କାହୁଁ ହୋଇବ ଭାଜନ
ତୁମେ ଦେଲେ ସିନା ମୁହିଁ ଦେବି ମଣିମା
ତୋ କ୍ଷେତରେ ମୁଲ ଲାଗି ଜୀଏଁ ଜୀବନ
Sunday 5 November 2023
ତୁମେ ତୁଳି ହେଲେ ମୁହିଁ ଗୋଟିଏ ଚିତ୍ର
ତୁମେ ତୁଳି ହେଲେ ମୁହିଁ ଗୋଟିଏ ଚିତ୍ର
ତୁମେ ଇନ୍ଦ୍ରଧନୁ ହେଲେ ମୁଁ ସାତ ରଙ୍ଗ
ଅପଲକ ନୟନରେ ଏତେ କି ଦେଖୁଛ
ସଂସାର ପଥେ ସାହା ହୁଅ ଦିବ୍ୟ ଅଙ୍ଗ
ତୁମେ ହିଁ ଶିକ୍ଷା ଶିକ୍ଷକ ଶ୍ରେଣୀ
ତୁମେ ହିଁ ଶିକ୍ଷା ଶିକ୍ଷକ ଶ୍ରେଣୀ
ତୁମେ କଳାପଟା ତୁମେ ବର୍ଣ୍ଣ
ଶିକ୍ଷା ଶେଷେ ହିଁ ତୁମେ ବୃତ୍ତି
ତୁମେ ଅର୍ଜନ ତୁମେ ହିଁ ଅନ୍ନ
Subscribe to:
Posts (Atom)