ଆତ୍ମା ରାମ ବ୍ରହ୍ମଦାରୁ ନାରାୟଣ ହରି ଜୀବନ ସକଳ ବୋଝ ବୋହି ପାରିବ ଉପାର୍ଜନ ସାମର୍ଥ ପର ସେବା କଲେ ଚକାଡୋଳା ଅପଲକ ଉଦ୍ଧାର କରିବ

ଧାଇଁଲେ ଯଦି ଛନ୍ଦା ପାଦ ଲାଭ ହେବ ଧାଇଁବା ବନ୍ଦ କରି ଆକାଶରେ ଉଡିବି ଶ୍ରୀଗୀତଗୋବିନ୍ଦ ରସିଆ ବଡ ଦୟାଳୁ ଅଧାଗଢା ହସ୍ତ ପ୍ରସାରିବେ ଯଦି ପଡିବି

ରୁକ୍ମଣୀ ହ୍ରୁଦୟ କମଳ କେଶର

ରୁକ୍ମଣୀ ହ୍ରୁଦୟ କମଳ କେଶର ସଦା ହରି ନାମ କୀର୍ତ୍ତନ ଆସର ଛନ୍ଦା ପାଦରେ ଆତ୍ମା ରହିଗଲା ଆହାଃ କେବେ ଲଭିବି ପାଶର

ଯେ ଯାଏ ପିଣ୍ଡରେ ଅଛଇ ଜୀବନ

ଯେ ଯାଏ ପିଣ୍ଡରେ ଅଛଇ ଜୀବନ ଦୁର୍ଲଭ ନର ଦେହ ଜଡ ଅଚେତନ ଷଢ଼ ରିପୁଙ୍କ ସଙ୍ଗ ନିତ୍ୟ ଆଶ୍ରା କରି ପାଶୋରଇ ଆତ୍ମା ଯଶୋଦା ଜୀବନ

ତୋ ସକଳ ସ୍ମୁତି ମଙ୍ଗଳ କଳସ

ତୋ ସକଳ ସ୍ମୁତି ମଙ୍ଗଳ କଳସ ପିତା ମାତାଙ୍କର ସ୍ନେହଁ ସମ ସୁଧା ଛନ୍ଦା ପାଦରେ ଥରୁଟେ ଲୋଟିବି ହେ ଗୋବିନ୍ଦ ଦିଅନ୍ତୁ ନାହିଁ ବାଧା

ଭେଟିବାକୁ ମନରେ ଇଛା

ଭେଟିବାକୁ ମନରେ ଇଛା ମାତୃ ଗର୍ଭରୁ କରୁଛି ପିଛା ଅପଲକ ସମାନ ଦରଶୀ ଭେଟିବା ବାଟ ମୋ ଫର୍ଚ୍ଚା

ମଉନ ମୁଁହା ସେ ଚକାଡୋଳା

ମଉନ ମୁଁହା ସେ ଚକାଡୋଳା ତାଙ୍କୁ ଡାକ ନାହିଁ ପ୍ରାଣ ମିତଣୀ ଚାହାଁଣିରେ ଚିତ୍ତ ଚୋରି କରି ଫେରାଇବ ନାହିଁ ବେଣୁପାଣି

ନନ୍ଦ ସୁତଙ୍କୁ ଭେଟିବିକି ନାହିଁ ଜାଣେନା

ନନ୍ଦ ସୁତଙ୍କୁ ଭେଟିବିକି ନାହିଁ ଜାଣେନା ଜାଣେ ନାହିଁ ଛୁଇଁବି ତାଙ୍କ ଛନ୍ଦା ଚରଣ ଛନ୍ଦା ଚରଣ ନାହିଁ ବ୍ରହ୍ମଦାରୁ ଅଧାଗଢା ଅଧାଗଢା ପାଦ ନ ଛୁଇଁ ହେବ ମରଣ

କଳ୍ପନା ହୋଇଲେ କୃଷ୍ଣର ରୂପ

କଳ୍ପନା ହୋଇଲେ କୃଷ୍ଣର ରୂପ ଏହି ମନ ହୋଇଯାଏ ରାଧିକା ବଂଶୀ ସ୍ଵନ ଅପେକ୍ଷାରେ ଜୀବ ଛନ୍ଦା ପାଦ ସୁଖ ସବୁଠୁଁ ଅଧିକା

ହରି ମୋହନ ବଂଶୀ ହରି ବ୍ରହ୍ମାନନ୍ଦ

ହରି ମୋହନ ବଂଶୀ ହରି ବ୍ରହ୍ମାନନ୍ଦ ହରି ରୁକ୍ମଣୀ ହୃଦୟ ହରି ବୈକୁଣ୍ଠ ହରି ନାମ କୀର୍ତ୍ତନ ହରି କୃପା ବର୍ଷା ମନ ଚାତକରେ ପାନ କର ଆକଣ୍ଠ

ଇନ୍ଦ୍ରିୟ ମେଳରେ ଦେଖି ମୋତେ

ଇନ୍ଦ୍ରିୟ ମେଳରେ ଦେଖି ମୋତେ ନିଶ୍ଚିନ୍ତ ହେଲ କିବା ହେ ବନମାଳୀ ଷଢ଼ ରିପୁଙ୍କ ଆକ୍ରମଣ ଦେଖି ଆସ ତୁମ୍ଭ ଆତ୍ମା କେଡେ ହୁଏ କିଲିବିଲି

ସନ୍ଥ ତୁଳସୀ ବୋଲେ ଶ୍ରୀରାମ ପୂର୍ଣ୍ଣବ୍ରହ୍ମ

ସନ୍ଥ ତୁଳସୀ ବୋଲେ ଶ୍ରୀରାମ ପୂର୍ଣ୍ଣବ୍ରହ୍ମ କାରୁଣ୍ୟ ମୂର୍ତ୍ତି ଚନ୍ଦନ ଅର୍ଗଳୀ ଅଧା ଗଢା ଭକ୍ତ ଜୟଦେବ ବୋଲେ କୃଷ୍ଣ ଦାରୁବ୍ରହ୍ମ ମଧୁର ବଂଶୀ ଧ୍ୱନି ରାଧା କମଳ ପାଖୁଡା

ଗୋଟିଏ ବ୍ରହ୍ମ

ଗୋଟିଏ ବ୍ରହ୍ମ ଦ୍ଵିତୀୟ ନାସ୍ତି କୃଷ୍ଣ ଦେବତା ଶ୍ରୀକ୍ଷେତ୍ର ବସ୍ତି

ନାହିଁ ମୋର ପିତା ମାତା ସେବା ପୂଣ୍ୟ

ନାହିଁ ମୋର ପିତା ମାତା ସେବା ପୂଣ୍ୟ କରି ନାହିଁ ଗୁରୁ ବ୍ରାହ୍ମଣ ବୈଷ୍ଣବ ସେବା ଚକାଡୋଳାରୁ କୃପା ବର୍ଷା ନ ହେଲେ ମୋତେ ଛନ୍ଦା ଚରଣ କି ଲାଭ ହେବା

ଶୁଦ୍ର କୂଳରେ ଜନ୍ମ ମୋହର

ଶୁଦ୍ର କୂଳରେ ଜନ୍ମ ମୋହର ମୁଁ ବ୍ରାହ୍ମଣକୁ ବଢ଼ାଇଲି କର ବାମନ ଚନ୍ଦ୍ର ମିଳନ ସମ୍ଭବ କୃପା କଲେ ଶ୍ରୀରାଧା ବର

ଯେତେ ଅବତାର ହୋଇଲୁ ହେ ବିଷ୍ଣୁ

ଯେତେ ଅବତାର ହୋଇଲୁ ହେ ବିଷ୍ଣୁ ସବଠାରୁ ଆତ୍ମା ଲୋଭା ଚକାଡ଼ୋଳା ଯିଏ ଦେଖିଲା କହିଲା ମୋର ଆତ୍ମା ବ୍ରହ୍ମଦାରୁ ଅଧାଗଢା ଠୁଳ ସର୍ବ କଳା

ଶିରରେ ସେବତୀ ତୁଳସୀ ଟାହିଆ

ଶିରରେ ସେବତୀ ତୁଳସୀ ଟାହିଆ ବକ୍ଷରେ ସ୍ୱୟମ ମହାଲକ୍ଷ୍ମୀ ପଦକ ଗଳାରେ କଳା ନବ ତୁଳସୀ ମାଳ ମୋ ହୃଦ ପଦ୍ମରେ ଚରଣ ପାଦୁକ

କେଉଁଠାରୁ ଆସିଅଛି ମୁହିଁ କେଉଁଠାକୁ ଯିବି

କେଉଁଠାରୁ ଆସିଅଛି ମୁହିଁ କେଉଁଠାକୁ ଯିବି ଜାଣିବାର ସକଳ ଚେଷ୍ଟା ବିଫଳ ହୋଇଲା ଗରୁଡ ପଛରୁ ଚାହିଁଲି ମୋ ଆତ୍ମା ବ୍ରହ୍ମଦାରୁ ମୌନ ଦୃଷ୍ଟି ଚକାଡୋଳା ପ୍ରାଣକୁ ମୋହିଲା

ଶ୍ରୀପୁରୁଷୋତ୍ତମ ଯାତ୍ରୀର ପାଦ ଦୁଇ ଚଞ୍ଚଳ

ଶ୍ରୀପୁରୁଷୋତ୍ତମ ଯାତ୍ରୀର ପାଦ ଦୁଇ ଚଞ୍ଚଳ ଚକାଡୋଳାଙ୍କୁ ଟିକିଏ ମନ ପୁରାଇ ଦେଖିବ ଲାଗିଛି ଡୋରି ଡାକୁଛି ପତିତପାବନ ବାନା ସଂସାରରେ ସବୁଠୁଁ ନିଜ ଲୋକକୁ ଭେଟିବ

ରସ ବୈ ସ

ରସ ବୈ ସ ବ୍ରହ୍ମଦାରୁ ବିଗ୍ରହ ଚକାଡୋଳା ଦୁଇ ଚନ୍ଦ୍ର ଅରୁଣ ଏକ ବିଗ୍ରହରେ ଶ୍ରୀରାଧା କୃଷ୍ଣ ପିତା ମାତା କୃପା ଛନ୍ଦା ଚରଣ

ବାତ୍ସଲ୍ୟ ମମତା ଉଛୁଳା ବେନି ଅପଲକ

ବାତ୍ସଲ୍ୟ ମମତା ଉଛୁଳା ବେନି ଅପଲକ ପଣତରେ ଢାଙ୍କି ଅଛ ଏହି ଅଖିଳ ସଂସାର କମଳା ଯାହାର ହୃଦରେ ନିତ୍ୟ କରେ ବାସ କିଏ କହେ ତା ସିଂହଦ୍ୱାର କବାଟ କଂସାର

ବ୍ରାହ୍ମଣ ହାତରେ

ବ୍ରାହ୍ମଣ ହାତରେ ତୁଳସୀ ପଠାଉଅଛ ମହାବାହୁ ତୁମ୍ଭେ ସ୍ୱୟଂ କେବେ ଆସିବ ଛନ୍ଦା ଚରଣକୁ ଆଖି ଲୁହରେ ପଖାଳି ଆତ୍ମା ମୋ ବେନି ଭୁଜ ତୋଳି ନାଚିବ

ସଦା ସର୍ବଦା ଭକତ ହୃଦୟ ନିବାସୀ

ସଦା ସର୍ବଦା ଭକତ ହୃଦୟ ନିବାସୀ ମଲ୍ଲି ସେବତୀ ଦୟଣା ତୁଳସୀ ରସିଆ ରୁକ୍ମଣୀ ହୃଦ ପାଣ୍ଡଵ ଜୀବନ ଜୀବିକା ନଡ଼ିଆରେ ଚିତ୍ତ କିଣିଲା ଭକ୍ତ ଦାସିଆ

ସଂସାର ଯାତ୍ରା କାଳରେ ତୁହି ମଙ୍ଗଳ କଳସ

ସଂସାର ଯାତ୍ରା କାଳରେ ତୁହି ମଙ୍ଗଳ କଳସ ହେ ରୁକ୍ମଣୀ ହୃଦ ସଦା ଥିବ ନୟନ ପଥରେ ଷଢ଼ରିପୁଙ୍କର ଆକ୍ରମଣରୁ ବଞ୍ଚିବି ଆଶା ନାହିଁ ହେ ଅର୍ଜୁନ ପ୍ରାଣ ସଦା ଥିବ ଜୀବନ ରଥରେ

ମାଆ ମହାଲକ୍ଷ୍ମୀ ପାଦରେ ପାଉଁଜି ପିନ୍ଧାଇ

ମାଆ ମହାଲକ୍ଷ୍ମୀ ପାଦରେ ପାଉଁଜି ପିନ୍ଧାଇ ଶେଷ ନାଗ ପୃଷ୍ଠ ଶୟନାଙ୍କୁ ପରିକ୍ରମା କଲି କେଶବ ଧ୍ରୁତ ବ୍ରହ୍ମଦାରୁ ଚକାଡୋଳାଙ୍କୁ ଚାହିଁ ଅଭୟ ପାଦ ଲୋଭରେ ସଂସାର ଭୁଲି ଗଲି

ତୋ ବାପ ବ୍ରାହ୍ମଣ ମା ବ୍ରାହ୍ମଣୀ ମନ ଶାରୀରେ

ତୋ ବାପ ବ୍ରାହ୍ମଣ ମା ବ୍ରାହ୍ମଣୀ ମନ ଶାରୀରେ ବ୍ରହ୍ମଦାରୁ ସନ୍ତାନ ହୋଇ ଆଚାର ହେଲା ଶୁଦ୍ର ଇନ୍ଦ୍ରିୟ ସେବାରେ କାଳ ବିତିଗଲା ମନ ଶାରୀ ଷଢ଼ ରିପୁ ଛନ୍ଦରେ ଭୁଲିଲୁ କୃଷ୍ଣ କୃପା ସମୁଦ୍ର

ମୋତେ ଅଜଣା ତୁମ୍ଭର ବୈକୁଣ୍ଠ ଠିକଣା

ମୋତେ ଅଜଣା ତୁମ୍ଭର ବୈକୁଣ୍ଠ ଠିକଣା ଗରୁଡ ପଛରେ ବାହୁ ଶିଶୁ ତୋଳି କାନ୍ଦେ ମୋତେ ଅଦୃଶ୍ୟ କମଳା ସେବିତ ଚରଣ ସଂସାର ସାରା ବହୁତ ଖୋଜିଲି ଜଗନ୍ନାଥ

ଚନ୍ଦନ ଲାଗି କାଳରେ ଆତ୍ମା ମୋହନ ବ୍ରହ୍ମଦାରୁ

ଚନ୍ଦନ ଲାଗି କାଳରେ ଆତ୍ମା ମୋହନ ବ୍ରହ୍ମଦାରୁ ପହଣ୍ଡି ବିଜୟରେ ଅଖିଳ ମୋହନ ଶ୍ରୀଜଗନ୍ନାଥ ଅର୍ଜୁନ ରଥରେ ଶ୍ରୀମଦଭାଗବତ ରୁକ୍ମଣୀ ହୃଦୟ ଶ୍ରୀଗୀତଗୋବିନ୍ଦରେ ସ୍ୱୟଂ ପରବ୍ରହ୍ମଙ୍କ ଦସ୍ତଖତ

ଜୀବନ ଯାକ ସକଳ ଉପାର୍ଜନରେ ମୂଢ଼

ଜୀବନ ଯାକ ସକଳ ଉପାର୍ଜନରେ ମୂଢ଼ ଏକାଧିକ ପତ୍ନୀ ଏକାଧିକ କୋଠା ବାଟି ଶଶ୍ମାନ ଗର୍ତ୍ତ ହେଲା ଶେଷ ଚିର ଶେଜ ଷଢ଼ ରିପୁ ଚାପରେ ଇନ୍ଦ୍ରିୟ ଗଲେ ତୁଟି

ନାରାୟଣ ହୋଇଲେ ନର ଦେହ

ନାରାୟଣ ହୋଇଲେ ନର ଦେହ ମହାଲକ୍ଷ୍ମୀ ହୋଇବେ ମୋର ଝିଅ ଚରଣରେ ଦେଇ ଶରଣ ପଶିଯିବି ବ୍ରହ୍ମଦାରୁ ହେ ଭାବେ ଭସାଇ ନିଅ

ଏହି ମୂଢ଼ ଲଭିବକି ସମାଧି

ଏହି ମୂଢ଼ ଲଭିବକି ସମାଧି ଯମ ନିୟମକୁ ପ୍ରବଳ ଡର ଉଦ୍ଧରିଲେ ଉଦ୍ଧରିବେ କୃଷ୍ଣ ବଡ଼ ଦୟାଳୁ ରୁକ୍ମଣୀ ବର

ମହିମା କହେ ନିର୍ବେଦରେ ଭେଟ

ମହିମା କହେ ନିର୍ବେଦରେ ଭେଟ ସନାତନ କହେ ଭେଟ ବେଦରେ ଷଢ଼ ରିପୁ ଆୟତ୍ତରେ ଏହି ଶରୀ ବସା ବାନ୍ଧିଛି କୃଷ୍ଣ ଛନ୍ଦା ପାଦରେ

ସଂସାରେ ସାର କୃଷ୍ଣ ନାମ

ସଂସାରେ ସାର କୃଷ୍ଣ ନାମ ରାମ ନାମ ସଂସାରେ ସାର ଚାହିଁ ଜପୁଅଛି ଦାରୁବ୍ରହ୍ମଙ୍କୁ ଛନ୍ଦା ଚରଣ କରିବେ ପାର

ତୁମ୍ଭ ଦଶାବତାର ଲୀଳା ଗୁଣି ଗୁଣି

ତୁମ୍ଭ ଦଶାବତାର ଲୀଳା ଗୁଣି ଗୁଣି ଚକାଡୋଳାକୁ ଚାହିଁଣ ବଞ୍ଚଇ ଦୀନ ଜୀବନରେ ଥରେ ଭେଟିବାର ଲାଗି କୃଷ୍ଣ ତୁମ୍ଭର ନାମକୁ କଲି ଗଣ୍ଠି ଧନ

ଏକଇ ଦେହୀ ବହୁ ଦେହ

ଏକଇ ଦେହୀ ବହୁ ଦେହ ଅଖିଳ ବ୍ରହ୍ମାଣ୍ଡ ଏକ ମୋହ ପ୍ରତି ହୃଦୟ କମଳ ନାଡୀ ଚତୃର୍ଦ୍ଧା ବିଗ୍ରହ ଦୟାମୟ

ଗୋବିନ୍ଦ ବନ ମାଳା ଦିଶଇ କେଡେ ଶୋଭା

ଗୋବିନ୍ଦ ବନ ମାଳା ଦିଶଇ କେଡେ ଶୋଭା ବହୁ ସୁଗନ୍ଧ ବହୁ ବର୍ଣ୍ଣ ପୁଷ୍ପ ବିବିଧ ନାମ ପୁଷ୍ପ କୃଷ୍ଣ ନାମଟି ବୈକୁଣ୍ଠକୁ ପଥ ରାମ ନାମ ଯଷ୍ଟି ଛନ୍ଦା ପାଦକୁ ଅଯୋଗ୍ୟ ହୃଦରେ ପୂରିତ ପାପ

ଦେହରେ ଦେହୀ କୃଷ୍ଣ

ଦେହରେ ଦେହୀ କୃଷ୍ଣ ହୃଦରେ ଜ୍ୟୋତି ରାମ ବିଶ୍ୱ ବ୍ରହ୍ମାଣ୍ଡ ଶ୍ରୀକ୍ଷେତ୍ର ବ୍ରହ୍ମାନନ୍ଦଙ୍କର ଆଶ୍ରମ

ରାମ ରାମ ରାମ ରାମ ରାମ ରାମ

ରାମ ରାମ ରାମ ରାମ ରାମ ରାମ ନବ ଦୁର୍ବାଦଳ ଦେହ ଆନନ୍ଦ ଧାମ ରାମ ରାମ ରାମ ରାମ ରାମ ରାମ ଆତ୍ମ ଜ୍ୟୋତି ବ୍ରହ୍ମଦାରୁ ପରଂଧାମ

ନର ନାରାୟଣ ରୂପ ସଦା ବିହାରୀ

ନର ନାରାୟଣ ରୂପ ସଦା ବିହାରୀ ଅଜ୍ଞାନ ଅନ୍ଧକୁ କେବେ ହିଁ ଦିଶେନା ଷଢ଼ ରିପୁଙ୍କ କବଳିତ ମର ଶରୀର ଶୁଦ୍ଧ ଦାରୁବ୍ରହ୍ମ ଚରଣରେ ରସେନା

ଏଡିକି ଉଦାର ଆଉ ଏହି ଆଖି ନ ଦେଖିଲା

ଏଡିକି ଉଦାର ଆଉ ଏହି ଆଖି ନ ଦେଖିଲା ହେ ସାଇ କୃଷ୍ଣ ମୋ ବିପତ୍ତି କାଳକୁ ଭରସା ଅତି ସଦୟ ହୃଦୟ ମଙ୍ଗଳ କଳସ ଶ୍ରୀପତି ଚକାଡୋଳା ବାପା ସ୍ନେହଁ ମା ହାତ ପରଶା

ଉଷୁନା ଧାନ ଗଜା ହେବା ଆଖି ଦେଖି ନାହିଁ

ଉଷୁନା ଧାନ ଗଜା ହେବା ଆଖି ଦେଖି ନାହିଁ ଦେଖି ନାହିଁ ଶଶ୍ମାନ ଗାତରୁ ଆସିବାର ଫେରି ସ୍ବପ୍ନ ପରାୟେ ଏହି ସଂସାର ସକଳ ବେଭାର ପୟୋନିଧି ସନାତନ ବ୍ରହ୍ମଦାରୁ ବଂଶୀଧାରୀ

କଳ୍ପନା ଚାରି ଛକରେ ପାଦ ଅଟକି ଗଲା

କଳ୍ପନା ଚାରି ଛକରେ ପାଦ ଅଟକି ଗଲା ହାତଠାରି ଡାକନ୍ତି ଧର୍ମ ଅର୍ଥ କାମ ମୋକ୍ଷ ଏଗାର ଇନ୍ଦ୍ରିୟରେ ତନ୍ନ ତନ୍ନ କରି ଚାଖିଲି ମୋତେ ପରମ ସୁଖ କାଳିଦଳା ପଙ୍କଜାକ୍ଷ

ସିନ୍ଦୁର ନାଲି ଥଣ୍ଟ ଶୁଆ ଡାକେ କୃଷ୍ଣ କୃଷ୍ଣ କୃଷ୍ଣ କୃଷ୍ଣ

ସିନ୍ଦୁର ନାଲି ଥଣ୍ଟ ଶୁଆ ଡାକେ କୃଷ୍ଣ କୃଷ୍ଣ କୃଷ୍ଣ କୃଷ୍ଣ କଜଳ କଳା ଶାରୀ ଡାକଇ ରାମ ରାମ ରାମ ରାମ ଶୁଆ ଶାରୀ ଦୁହେଁଟି ବୁଡିଲେ ଚକାଡୋଳା ଭାବରେ ତେଜି ଅର୍ଥ ଲୋଭ ହିଂସା କ୍ରୋଧ ଅସୂୟା ଛନ୍ଦ କାମ

ତୋର କୀର୍ତ୍ତନ ମୋତେ ହେଲା ଚନ୍ଦନ

ତୋର କୀର୍ତ୍ତନ ମୋତେ ହେଲା ଚନ୍ଦନ ହେ କମଳାଳୟ ଦେବକୀ ନନ୍ଦ ନନ୍ଦନ ଭାବ ସିନ୍ଧୁରେ ବୁଡି ଖୋଜେ ଛନ୍ଦା ପାଦ ଥରେ ଦେଖିବାକୁ ହୃଦୟ କରେ କ୍ରନ୍ଦନ

ଶ୍ରୀରାଧା ତନୁ ପୂର୍ଣ୍ଣିମା ଜହ୍ନ

ଶ୍ରୀରାଧା ତନୁ ପୂର୍ଣ୍ଣିମା ଜହ୍ନ ଗୋବିନ୍ଦ ତନୁ ଉଆଁସ ରାତି କୁଟିଳା ଜଟିଳା ଉଜାଗର ଆତ୍ମା ଝୁରେ ନିକୁଞ୍ଜ ପ୍ରୀତି

ଅର୍ଜୁନ ସଖା ରୁକ୍ମଣୀ ହୃଦୟ ଶ୍ୟାମ

ଅର୍ଜୁନ ସଖା ରୁକ୍ମଣୀ ହୃଦୟ ଶ୍ୟାମ ମାରୁତି ହୃଦ ଜାନକୀ ଜୀବନ ରାମ କୃଷ୍ଣ ତନୁ ବ୍ରହ୍ମଦାରୁ କମଳା ଆନନ୍ଦ ବୈଷ୍ଣବ ଜନ ହୃଦୟ ବୈକୁଣ୍ଠ ଧାମ

ଶ୍ରୀରାଧା କୃଷ୍ଣ ମିଳନ ରୂପ ଜଗନ୍ନାଥ

ଶ୍ରୀରାଧା କୃଷ୍ଣ ମିଳନ ରୂପ ଜଗନ୍ନାଥ ଦେହ ଦେହୀ ମିଳନ ଘାଟ ଶ୍ରୀକ୍ଷେତ୍ର ଗରୁଡ ପଛରୁ ଚାହିଁଲେ ପ୍ରାଣ ପଶେ ସଂସାରେ ସବୁଠୁଁ ସୁନ୍ଦର ପଦ୍ମ ନେତ୍ର

ଗରୁଡ କିବା ଶେଷ ନାଗକୁ ପଠାଅ ପ୍ରଭୁ

ଗରୁଡ କିବା ଶେଷ ନାଗକୁ ପଠାଅ ପ୍ରଭୁ ଅଥବା ସ୍ୱୟମ ବିରାଜ ହୃଦୟ କମଳରେ ଆଉ ତୁମ୍ଭ ବିନା ରହି ହୁଏନା କାଳି ଦଳା ଛନ୍ଦା ଚରଣ ପଖାଳିବି ନୟନ ଜଳରେ

ଅପଲକ ନୟନ ବେନି ଚନ୍ଦ୍ର ସୂର୍ଯ୍ୟ

ଅପଲକ ନୟନ ବେନି ଚନ୍ଦ୍ର ସୂର୍ଯ୍ୟ କୃପା କିରଣରେ ନିତି କରଇ ସ୍ନାନ ବିଷ୍ଣୁ ଦେହ ବ୍ରହ୍ମଦାରୁ ଚତୃର୍ଦ୍ଧ ମୂର୍ତ୍ତି ଛନ୍ଦା ଚରଣରେ ଥୋଇଲଇଁ ମନ

ତୁହି ମୋହର ଚିନ୍ତାମଣୀ ହେ କୃଷ୍ଣ

ତୁହି ମୋହର ଚିନ୍ତାମଣୀ ହେ କୃଷ୍ଣ ଶ୍ରୀଛନ୍ଦା ଚରଣ ମୋ ନିର୍ଭୟ ବସା ଚକାଡୋଳା ଭାବରେ ବୁଡି ରହିଲି ଚତୃର୍ଦ୍ଧା ବିଗ୍ରହ କରି ଆଶା ଭରଷା

ମୋ ମନ ଅଗଣାରେ ଫୁଟିଲେ ମଲ୍ଲି

ମୋ ମନ ଅଗଣାରେ ଫୁଟିଲେ ମଲ୍ଲି ତୋରି କଥା ଜଗାରେ ହୁଅଇ ଭାଳି ଆସିଲେ ପିନ୍ଧାନ୍ତି ଗୁନ୍ଥି ମୁହିଁ ମାଳା ମୋ ନୟନ ପିତୁଳା ସୁନା ସଙ୍ଖାଳି