ମୋର ରସନା କେତେ ଯେ ପରଷନ୍ତି

ମୋର ରସନା କେତେ ଯେ ପରଷନ୍ତି ସଖିରେ ଚିତ୍ତ କାହିଁରେ ନୁହେଁ ହରସ ପାଶୋରିଲି ସକଳ ବିଷୟ ବାସନା ଲଭି ଗୋବିନ୍ଦ ଛନ୍ଦା ଚରଣ ପରଶ

ତୋ ପଣତ କାନି ଉଡିଲେ

ତୋ ପଣତ କାନି ଉଡିଲେ ସାତ ଇନ୍ଦ୍ର ମେଘ ଉଡ଼ିଯାଏ ତୋ କୃପା ହେଲେ ମା ଗୋ ସବୁ ଦୁଶ୍ଚିନ୍ତା ହୃଦ ଛାଡ଼ି ଯାଏ

ମମତା ଭରା ପଣତରେ ତୋର ମାଆ ଗୋ

ମମତା ଭରା ପଣତରେ ତୋର ମାଆ ଗୋ ଆର୍ତ୍ତି ଅର୍ଥାର୍ଥି ଜିଜ୍ଞାନସୁ ଜ୍ଞାନୀକୁ ସୁଖ ନିଦ୍ରା ସକଳ ଅବତାର ତୋ ଶରୀରରୁ ଜାତ ମା ମାଆ ମାଆର ମାଆ ମଙ୍ଗଳା ଲକ୍ଷ୍ମୀ ଭଦ୍ରା

କଳି କାଳରେ ଏକ ଟଙ୍କିଆ ମୁଦ୍ରା ଅଚଳ

କଳି କାଳରେ ଏକ ଟଙ୍କିଆ ମୁଦ୍ରା ଅଚଳ କେବଳ ଲକ୍ଷ ଲକ୍ଷ ଟଙ୍କାରେ କାରବାର ମଣିଷର ବୁଦ୍ଧି ବୋଲାଇଲା ବିଶ୍ୱେଶ୍ୱର ଅର୍ଥ ସର୍ବଶ ବୁଦ୍ଧି ହୃଦ ଦୁଃଖ ପାରାବାର

ନୀଳ ନିର୍ମଳ ଆକାଶରୁ ଉଡି ଆସିବ

ନୀଳ ନିର୍ମଳ ଆକାଶରୁ ଉଡି ଆସିବ ବିନତା ତନୟ ପୃଷ୍ଠରେ ଚନ୍ଦନ ଅର୍ଗଳୀ ଦାରୁବ୍ରହ୍ମ ହୋଇଥିବେ ଅଙ୍କା ଚନ୍ଦନ କସ୍ତୁରୀ ଗନ୍ଧରେ ଅଧିର ହୋଇବ ଆତ୍ମା ଶାରୀ ଆହାଃ ଏହି କିବା ବୈଷ୍ଣବ ହୃଦ ଚନ୍ଦନ ମୁରଲୀ ଫୁଙ୍କା

ଶ୍ରୀଗୋବିନ୍ଦ କୃପାରେ ଛନ୍ଦା ପାଦକୁ ଲଭିଲି

ଶ୍ରୀଗୋବିନ୍ଦ କୃପାରେ ଛନ୍ଦା ପାଦରେ ଲୋଟିଗଲି ଭକ୍ତି ଅଶ୍ରୁ ଯାହାଥିଲା ଆଖିରେ ସକଳ ବାଢିଦେଲି ଅଷ୍ଟାଙ୍ଗ ଭକ୍ତି ଜ୍ଞାନ ପ୍ରେମକୁ ପତିତ ନୁହଇଁ ଭାଜନ ବାଇଶି ପାହଚରୁ ବେନି ବାହୁ ଉର୍ଦ୍ଧକୁ ତୋଳିଦେଲି

କାହାକୁ ଦେଇ କରୁ ମଙ୍ଗଳ

କାହାକୁ ଦେଇ କରୁ ମଙ୍ଗଳ ହେ ଗୋବିନ୍ଦ ହେ ମାଧବ କାହଠାରୁ ନେଇ କରୁ ମଙ୍ଗଳ କାହାକୁ ନ ଦେଇ ମଙ୍ଗଳ କରୁ ହେ କେଶବ ହେ ମଙ୍ଗଳ ଘର ବନ୍ଦନା କରେ ପାଦ ଯୁଗଳ

ସଂସାରେ ଯଦି ତୋତେ କିଏ ଅଧିକ ଝୁରିମରେ

ସଂସାରେ ଯଦି ତୋତେ ଯିଏ ଅଧିକ ଝୁରିମରେ ସେ ପରମ ବୈଷ୍ଣବୀ ଗୋପ ଗୋପାଳୁଣୀ ରାଧା ମାଆ ବାସୁଳି ପାଦରେ କାନ୍ଦି କାନ୍ଦି ଗଡେ ରାମ କୃଷ୍ଣ ପାଦରେ ଲୋଟିଵି ହଟା ଚଲା ପଥୁ ବାଧା

ବୈଷ୍ଣବ ହୃଦୟରୁ ଗୋବିନ୍ଦ ଗୋବିନ୍ଦ ଶୁଭିଲାରେ

ବୈଷ୍ଣବ ହୃଦୟରୁ ଗୋବିନ୍ଦ ଗୋବିନ୍ଦ ଶୁଭିଲାରେ କୃଷ୍ଣ ନାମ ରୂପ ଲୀଳାମୃତରେ ଦେହ ଭିଜିଲାରେ ମଧୁର ବଂଶୀ ଶବଦ ସୁକ୍ଷ୍ମ ପ୍ରାଣତନ୍ତ୍ରୀ ବାଜିଲାରେ କୃଷ୍ଣ ପ୍ରେମରସ ସ୍ଵାଦରେ ପତିତ ମନ ହଜିଲାରେ

ସକଳ ଭୁତ ଆଶ୍ରୟ ତୁହି ହେ ଗୋବର୍ଦ୍ଧନ ଗିରି ଟେକା

ସକଳ ଭୁତ ଆଶ୍ରୟ ତୁହି ହେ ଗୋବର୍ଦ୍ଧନ ଗିରି ଟେକା ପର ଲୋକରେ ତୋ ପରମ ପାଦ ପ୍ରାପ୍ତ ହୁଅନ୍ତି ସର୍ବେ ମୋ କ୍ଷୁଦ୍ର ଭକ୍ତି ପଦ୍ମା ସେବିତ ପାଦରେ ଅର୍ପଣ କରନ୍ତି ଇହ କାଳରେ ତୋ ଚିନ୍ତା ହରି ମୋତେ ନ ଛାଡ଼ୁ ଲବେ

ଅଶେଷ କୃପା ତୋହର ମାଆ ଭୁବନେଶ୍ୱରୀ

ଅଶେଷ କୃପା ତୋହର ମାଆ ଭୁବନେଶ୍ୱରୀ ମୋର କନ୍ୟା ହେବୁ ବୋଲି ଭାବିଲୁ ଚିତ୍ତେ ଜୟନ୍ତୀ ମଙ୍ଗଳା କାଳୀ ମହା ମନ୍ତ୍ର ଜପି ଜପି ମା ଗୋ ଦୁର୍ଗା ହୃଦୟରେ ଲଗାଇବି ତୋତେ

ସକଳ ଜନମ ମଧ୍ୟରେ ନର ଜନ୍ମ

ସକଳ ଜନମ ମଧ୍ୟରେ ନର ଜନ୍ମ ଦୁର୍ଲଭ ହେ ଗୋବିନ୍ଦ ନିରନ୍ତର ତୋର ପାଦ ଚିନ୍ତେ ନୟନ ପପଥରେ ସଦା ଥିବୁ ହେ ଗୋବିନ୍ଦ ସଦା ସେବି ବୈଷ୍ଣବ ପାଦରେ ପଶିବି ଅନ୍ତେ

ଓଁ ଜୟନ୍ତୀ ମଙ୍ଗଳ କାଳୀ ଭଦ୍ରକାଳୀ କପାଳିନୀ

ଓଁ ଜୟନ୍ତୀ ମଙ୍ଗଳ କାଳୀ ଭଦ୍ରକାଳୀ କପାଳିନୀ ଦୁର୍ଗା କ୍ଷମା ଶିବାଧାତ୍ରୀ ସ୍ବା ସ୍ୱଧା ମାଆ ନମସ୍ତୁତେ କୃଷ୍ଣ ବଳରାମଙ୍କୁ ଭାଇ ରୂପରେ ପାଇଅଛୁ ଜନନୀ ତୋ ଚଲା ବାଟରେ କୈବଲ୍ୟ ଯାଛିଦେଲୁ ମୋତେ

ତୋତେ ଛାଡି ଅନ୍ତର କାହାକୁ ଦେଖାଇବି ହେ ଗୋବିନ୍ଦ

ତୋତେ ଛାଡି ଅନ୍ତର କାହାକୁ ଦେଖାଇବି ହେ ଗୋବିନ୍ଦ ହେ ଅନ୍ତର୍ଯ୍ୟାମୀ ଠାକୁର ସେତ ଅଶେଷ କ୍ଷତରେ ଭରା ତୋ ହସ୍ତ ବିଭୁତି ମୋ ସମ୍ବଳ ସକଳ ବିପଦେ ସମ୍ପଦେ ହେ ସାଇ କୃଷ୍ଣ ଚିନ୍ତେ ତୋ ପାଦ ନ ଦେଲେ ଦେ ଧରା

ଦଶାବତାର ମଧ୍ୟରେ ତୋ ରୂପ ମାଧୁରୀ ସୁଧାନିଧି

ଦଶାବତାର ମଧ୍ୟରେ ତୋ ରୂପ ମାଧୁରୀ ସୁଧାନିଧି ହେ ଚକାଡୋଳା ରାଧା ଗୋବିନ୍ଦଙ୍କର ମିଳିତ ତନୁ କଳିରେ ମଣିଷକୁ ହେଲୁ ଆହାଃ କେଡେ ସହୃଦୟ ଥରେ ଚାହିଁଦେଲେ କେବେ ପାଶୋରି ନ ହୁଏ ମନୁ

ନିଷ୍କାମ କର୍ମ ଫଳରେ ତୋର

ନିଷ୍କାମ କର୍ମ ଫଳରେ ତୋର ଶରଧା ହେଲେ ସବୁ ସଫଳ ଉପାର୍ଜନ ମୋର ସବୁ ବିଫଳ ତୋତେ ମୁଁ ଅର୍ପଣ କରେ ଅନ୍ତର୍ଯ୍ୟାମୀ ହେ କେମିତି ହେବି ତୋର

ସଭିଁଙ୍କ ଚିନ୍ତା ତୋତେ ଲାଗିଛି ହେ ଚିନ୍ତାମଣି

ସଭିଁଙ୍କ ଚିନ୍ତା ତୋତେ ଲାଗିଛି ହେ ଚିନ୍ତାମଣି ଆଉ ଅଧିକ କିବା ଦେବି ମୋର ମନ ପାପ ଜଞ୍ଜାଳ ଜରା ବ୍ୟାଧିରେ ଶରୀର ଭାରି ହୁଏ ଅପଲକ ଚାହିଁଥିବୁ ତୋ ନାମ କରୁଅଛି ଜପ

ଭାବୁ ଭାବୁ ଭାବୁ କିବା ମୁହିଁ ଭାବିଦେଲି

ଭାବୁ ଭାବୁ ଭାବୁ କିବା ମୁହିଁ ଭାବିଦେଲି ଶ୍ରୀଗୋବିନ୍ଦ ଏହି ପତିତ ଗୃହରେ ଅତିଥି ନାହିଁ ନିଷ୍କାମ ନାହିଁ ପୂଣ୍ୟ ଅତି ଘୁନ୍ୟ ମୁହିଁ ହେ ଅକର୍ମା ଦାନୀ କୃପାକଲ ମହାତୀଥି

କୁସଙ୍ଗ ତେଜିବା ଚିନ୍ତା କରନ୍ତେ ଶିହରି ଉଠିଲା ଦେହ

କୁସଙ୍ଗ ତେଜିବା ଚିନ୍ତା କରନ୍ତେ ଶିହରି ଉଠିଲା ଦେହ କୁକର୍ମ ତେଜିବା ସ୍ମରଣ କରନ୍ତେ ଆଉ ବଢିଲା ମୋହ ଅତି ପ୍ରସସ୍ଥ ପ୍ରତି ବାଇଶି ପାହାଚ ଏ ପତିତ କି ଚଢ଼ିବ ହେ ପତିତପାବନ ହୃଦ କମଳରେ ପାଦ ଥୋଇ ଦିଅ

ଅନ୍ତରରେ ଗୁଣନ୍ତେ ଶ୍ରୀରାଧା ପ୍ରେମ ମଧୁର ମୁରଲୀ ମୋହନ

ଅନ୍ତରରେ ଗୁଣନ୍ତେ ଶ୍ରୀରାଧା ପ୍ରେମ ମଧୁର ମୁରଲୀ ମୋହନ ଲୀଳା ଭକ୍ତି ରସରେ ଭିଜିଲେ ଜୟଦେବ ବନମାଳୀ ଦୀନକୃଷ୍ଣ ଅଭିରାମ ଅଭିମନ୍ୟୁ ଦୀନକୃଷ୍ଣ ସାଲବେଗ ଗୋପାଳକୃଷ୍ଣ ବଳରାମ ଭିଜିଲେ ଗୁଣନ ଖନ୍ଦା ଉଛୁଳି ଭିଜିଲା ବିଶ୍ୱ ଭିଜିଗଲେ ଜଗନ୍ନାଥ ବଳରାମ

ତିନି ଦିବସ ବାସି ଊଛୀଷ୍ଠକୁ ଭୂମିରେ ବାଢ଼ିଦେଲି

ତିନି ଦିବସ ବାସି ଊଛୀଷ୍ଠକୁ ଭୂମିରେ ବାଢ଼ିଦେଲି ଅତ୍ୟନ୍ତ ଆନନ୍ଦରେ ଭୁଞ୍ଜି କାଆ କାଆ କଳା କାଉ ଜୀବନ ଯାକ ଅପରିଚିତ୍ତ ହୋଇଲେ ଆତ୍ମା ବନ୍ଧୁ ଅତ୍ୟନ୍ତ ମଧୁର ଉଦାର ଭାଵ ତୋହର ମହାବାହୁ

ଗୋବିନ୍ଦ ସବୁଠାରୁ ଉଦାର

ଗୋବିନ୍ଦ ସବୁଠାରୁ ଉଦାର ଭରେ ଯିଏ ସବୁରୀ ଉଦର ମନ କୈବଲ୍ୟ କଣିକାରେ ଲଭିଣ ହୋଇବି ଉଦ୍ଧାର

Jumping from hand to hand

ଏ ହାତ ସେ ହାତ ଡେଉଁ ଡେଉଁ ଟଙ୍କାରେ ସୃଷ୍ଟି ହୁଏ ବଡ଼ ଫାଟ ଗାଳି ସହି ସହି ମା ବାପ ମରନ୍ତି ପୁଅ କାନ୍ଥରେ ଝୁଲାଏ ତାଙ୍କ ଫଟ

ଇଏ ନ ନେଲେ ସିଏ ନବ

ଇଏ ନ ନେଲେ ସିଏ ନବ ସିଏ ନ ନେଲେ ନବ ଇଏ କେହି ନ ନେଲେ ଗୋବିନ୍ଦ ଆଉ ଏତେ ସମର୍ଥ କିଏ

ମୁହିଁ ତୋତେ ଯେତେ ଝୁରେ ମରେ

ମୁହିଁ ତୋତେ ଯେତେ ଝୁରେ ମରେ ହେ କୃଷ୍ଣ ମୁରାରୀ ସତେ ତୁହି କିବା ସେତେ ଝୁରୁ ହେ ରାଧାର ଗୋବିନ୍ଦ ମୋର ଆକୁଳତା ବ୍ୟାକୁଳତା ଯଦି ଅଧିକ ହୋଇବ ହେ ଉଦାର ହୃଦ ମଧୁର ମୋହନ ଆସିବ ଛନ୍ଦା ପାଦ

ହେ ସର୍ବ ଜ୍ଞାତା ଅନ୍ତର୍ଯ୍ୟାମୀ ଲକ୍ଷ୍ମୀକାନ୍ତ କମଳ ନୟନ

ହେ ସର୍ବ ଜ୍ଞାତା ଅନ୍ତର୍ଯ୍ୟାମୀ ଲକ୍ଷ୍ମୀକାନ୍ତ କମଳ ନୟନ ଆହାଃ ତୁ କେଡେ ସଦୟ ହୃଦୟ ସଦା କରୁ ଈଶାରା ହାତ ବାଟ ହେ ବେଣୁ ପାଣି ଜନା ସକୁ ପ୍ରାଣ ବିଠଲା ତୋ ପାଦ କିଣା ଭୃତ୍ୟ ଛନ୍ଦା ପାଦକୁ କରିଛି ଆଶରା

ହେ ଶ୍ୟାମଳ କୋମଳ କାରୁଣ୍ୟ ମୂର୍ତ୍ତି କୋଦଣ୍ଡ ରାମ

ହେ ଶ୍ୟାମଳ କୋମଳ କାରୁଣ୍ୟ ମୂର୍ତ୍ତି କୋଦଣ୍ଡ ରାମ ହେ ରଘୁ ବଂଶ ସୂର୍ଯ୍ୟ ଉତ୍ତମ ଦାୟାଦ ଚରଣ ପାବନ ହେ ମହାସତୀ ବସୁଧା ସମ ସହିଷ୍ଣୁ ଜାନକୀ ଜୀବନ ହେ ମାରୁତି ହୃଦ ମନ୍ଦାର ସତ୍ୟ ବଦ୍ଧ ରଖିବ ବଚନ

ପଣା ସଂକ୍ରାନ୍ତି 14-04-2025

ମୃଦଙ୍ଗ ଢ଼ୋଲକ ମଞ୍ଜିରା ଗିନି ସମ୍ଭ୍ରବରେ ଜୋଡ ପାଣି ହୋଇ ଗୋବିନ୍ଦ ଛନ୍ଦା ପାଦରେ ଭିକ୍ଷା କଲେ ପ୍ରଭୁ ମଧୁର ବଂଶୀ ସ୍ଵନ ମୋହନ ବଂଶୀ ଧ୍ୱନିରେ ଦେହ ମନ ବଚନ ହେଲେ ଅଚେତନ ବଳଭଦ୍ର ଅନୁଜ ଦରବାର ହୋଇଲା ଚନ୍ଦନ ଅର୍ଗଳୀ ବୃନ୍ଦାବନ

ନିଷ୍କାମରେ ଭକ୍ତିକୁ ମିଶାଇ

ନିଷ୍କାମରେ ଭକ୍ତିକୁ ମିଶାଇ ବିୟୋଗ କର ସବୁ ଵିକାର ନିରନ୍ତରେ ରାମ କୃଷ୍ଣ ଗୁଣ ହରଣ କର ବହୁ ଆକାର

କାଷ୍ଠ

କାଷ୍ଠ ପାଷାଣରେ ମମତା ବୋଳିଲି ସତେ କିବା କଥା କହିବ ବାସି ମଢ଼ା ଇହକାଳରେ ଦେଖିବି କୃଷ୍ଣ ମୁରାରୀ ଚର୍ତ୍ତୁଦ୍ଧା ଚାରି ଦିଅଁ ସକଳ ଅଧାଗଢା

ଶ୍ରୀଗୋବିନ୍ଦ ଭଉଣୀ ତୁହି ସୁଭଦ୍ରା ହଳଦୀ ମୁଖି

ଶ୍ରୀଗୋବିନ୍ଦ ଭଉଣୀ ତୁହି ସୁଭଦ୍ରା ହଳଦୀ ମୁଖି କାଳୀ କରାଳୀ ବୋଲି ନ ପାରିବୁ ମୋତେ ଠକି ତୁହି ରାମଚଣ୍ଡୀ ତୁହି ହିଁ କମଳିନୀ ସୁମତି କହେ ତୋ ଚରଣରେ ମନ ଜବା ପାଦରେ ଦେଲି ବିକି

ମୋ ହୃଦୟରେ ମନ୍ଦିରରେ ସଦା ରୁହ ହେ ଗୋବିନ୍ଦ

ମୋ ହୃଦୟରେ ମନ୍ଦିରରେ ସଦା ରୁହ ହେ ଗୋବିନ୍ଦ ଭକ୍ତି ଦୀପରେ ସଦା ଦେଖୁଥିବି ତୋ ବଂଶୀ ବଦନ ମୁହିଁ ମହା ପତିତ ସାଧି ନ ପାରିବି ଅଷ୍ଟାଙ୍ଗ ଯୋଗ ମୋର ଆଖି ଜଳରେ କରୁଥିବି ତୋ ଚରଣ ବନ୍ଦନ

ହେ ଶ୍ରୀଗୋବିନ୍ଦ ଠାକୁର ଲୀଳା

ହେ ଶ୍ରୀଗୋବିନ୍ଦ ଠାକୁର ଲୀଳା ତୋ ଘୋରା ଚନ୍ଦନ ସମାନ ଭ୍ରୂଲତା ମଧ୍ୟରେ ଘେନିଲେ ହୃଦୟ ପଦ୍ମରେ ହସୁ ପୀତବାସ ହେ ଶ୍ରୀଗୋବିନ୍ଦ ଠାକୁର କରୁଣା ତୋ ମଳୟ ପବନ ସମାନ ଶୁଷ୍କ କାଷ୍ଠ ସମ ମୁହିଁ ମହାପତିତ ହରି ହେ ଲଭୁ ତୋ ବାସ

ତୁହି ଶୁଖିଲା ଚନ୍ଦନ କାଠ ହେ ଗୋବିନ୍ଦ

ତୁହି ଶୁଖିଲା ଚନ୍ଦନ କାଠ ହେ ଗୋବିନ୍ଦ ମୁହିଁ ମହା ପତିତ ଏକ ପାଷାଣର ପେଡ଼ି ଭକ୍ତି ମୋ ଆଖି ଲୁହ ଜଳରେ ଘୋରୁଛି ଲଭିବି ମୁକତି ଛନ୍ଦା ପାଦରେ ଥିବି ପଡି

ମାଆ ମୋତେ ଯେବେ ପ୍ରଥମେ ଦେଖିଲା

ମାଆ ମୋତେ ଯେବେ ପ୍ରଥମେ ଦେଖିଲା ଭାବିଲା ମୁହିଁ ଏକ ସଦ୍ୟ ପ୍ରସ୍ଫୁଟିତ କମଳ ପଣତରେ ପୋଛି ଏତେ ସ୍ନେହଁ ପରଷିଲା ମୋ ପାଷାଣ ହୃଦୟ ହୋଇଲା କୋମଳ

ଓଁ ନମୋ ନାରାୟଣ ଓଁ ନମୋ ନାରାୟଣ ଓଁ ନମୋ ନାରୟଣ

ଓଁ ନମୋ ନାରାୟଣ ଓଁ ନମୋ ନାରାୟଣ ଓଁ ନମୋ ନାରୟଣ ଭଜ ମନ ଜୟ ଗୋବିନ୍ଦ ହରେ ଭଜ ମନ ଜୟ ଗୋପାଳ ହରେ ମୃଦଙ୍ଗ ବଂଶୀ କରତାଳ ମଞ୍ଜିରା ଘୁଙ୍ଗୁର ଧ୍ୱନିରେ ହଜିଯା ମନ କାଳ ସରିବ ଦାରୁଣ ଯମ ଖୋଜି ନ ପାଇବ ଥିବୁ ବିଷ୍ଣୁ ପୁରେ

ଆଉ ଟିକିଏ ସୁଖ ନିଦ୍ରା ଯାଅ ହେ ଉଦାର ଗୋବିନ୍ଦ

ଆଉ ଟିକିଏ ସୁଖ ନିଦ୍ରା ଯାଅ ହେ ଉଦାର ଗୋବିନ୍ଦ ମୃଦ୍ୟୁ ମୃଦ୍ୟୁ କରି ଚିପି ଦେଉଛି କମଳ ପାଦ ଛନ୍ଦା ପୁଷ୍ପ ଖସି ପଡିବା ଆଗରୁ ଡେମ୍ଫରୁ ଫଳରେ ମଞ୍ଜି ଥନ ଭାଙ୍ଗି ମାତୃ ସ୍ଥନରୁ ଝରି ପଡୁଛି ଅମୃତ ବୁନ୍ଦା

ଜପ ଜପ ମନ କୃଷ୍ଣ କୃଷ୍ଣ କୃଷ୍ଣ ଗୋବିନ୍ଦ

ଜପ ଜପ ମନ କୃଷ୍ଣ କୃଷ୍ଣ କୃଷ୍ଣ ଗୋବିନ୍ଦ ଯଦି ତୁହି ମର ଶରୀରରେ ଚାଖିବୁ ସୁଧା ଚିନ୍ତ ହୃଦୟରେ ହରି ହରି ହରି ଗୋବିନ୍ଦ ମୋହନ ବଂଶୀ ରୂପରେ ଦେଖିବୁ ରାଧା

ମନ ହେବ ଅଚିନ୍ତା ଦେହରେ ଝାଳ ହୋଇ

ମନ ହେବ ଅଚିନ୍ତା ଦେହରେ ଝାଳ ହୋଇ ମଧୁର ତିକ୍ତ ବର୍ତ୍ତମାନ ହୋଇଯିବ ଅତୀତ ଶରୀର ହେବ ଅଶରିରୀ ଭୁଞ୍ଜି କୈବଲ୍ୟ ତୋ ବାଇଶିପାହାଚ ଚଢ଼ୁଥିବ ଏହି ପତିତ

କିଛି ନେବ ନାହିଁ ମୁହିଁ ତୋ ଆପଣା ଜନ

କିଛି ନେବ ନାହିଁ ମୁହିଁ ତୋ ଆପଣା ଜନ ଚକାଡୋଳା ହେ ତୁମ ପଦ୍ମ ହାତ ଦେଖା କେଉଁ ପଥେ ଗଲେ ଭେଟିବି ଠାରି ଦିଅ ଗରୁଡ ପଛରୁ ଛାହିଁଛି ହେ ଅର୍ଜୁନ ସଖା

ରାମ ନାମ ଦୁଇ ଅକ୍ଷର

ରାମ ନାମ ଦୁଇ ଅକ୍ଷର ଉଚ୍ଚାରଣେ ଅପାର ଶକ୍ତି ଜଳରେ ଭାସଇ ପଥର ଭଜ ରଖି ହୃଦରେ ଭକ୍ତି

ଆଗେ ଆଗେ ଚଳଇ ବିଶାଳ ନନ୍ଦୀ

ଆଗେ ଆଗେ ଚଳଇ ବିଶାଳ ନନ୍ଦୀ ସବୁଠୁଁ ଅଧିକ ପ୍ରେମ ପତ୍ର ସାଥିରେ ପଛେ ପଛେ କରୁଣାମୟ ସାଇଶିବ ଅଦ୍ଭୁତ ଲୀଳା ପଢିନାହିଁ ପୋଥିରେ

ଓଁ ଶ୍ରୀ ସାଇରାମ ପଛେ ପଛେ ପିତା ମାତା ଚାଲିଗଲେ

ଓଁ ଶ୍ରୀ ସାଇରାମ ପଛେ ପଛେ ପିତା ମାତା ଚାଲିଗଲେ ହେ ଗୋବିନ୍ଦ ତୁମ୍ଭ ବିନା ସଂସାରେ ଆପଣା କିଏ ଆଉ ସ୍ୱାମୀ ଥିଲାବେଳେ ଡାକି ଦେଲେ ଦୌଡ଼ି ଆସୁଥିଲେ ବୈଷ୍ଣବ କୁହନ୍ତି ତୁମେ ତେଡ଼େ ଉଦାର ହେ ମହାବାହୁ

ମନ ଅଗଣାରେ ଫୁଟିଲା ଫୁଲ

ମନ ଅଗଣାରେ ଫୁଟିଲା ଫୁଲ ନିଷ୍କାମ ସେବା ଯାହାର ମୂଲ୍ୟ ଫୁଲଟି ପାରିଜାତଠାରୁ ଦୁର୍ଲଭ କୌଣସି ପାର୍ଥିବ ନୁଁହଇ ତୁଲ୍ୟ

ହରିଦାସ ଗରୁଡ ଅତି ସମ୍ଭ୍ରମରେ ଆଗରେ ଜୋଡ ପାଣି

ହରିଦାସ ଗରୁଡ ଅତି ସମ୍ଭ୍ରମରେ ଆଗରେ ଜୋଡ ପାଣି ତେଣୁ ପ୍ରାଣ ସଖିରେ ତାଙ୍କୁ ମୁଁ କଣେଇ କଣେଇ ଚାହିଁଲି ଅନନ୍ତ ଶାନ୍ତକାର ପଦ୍ମନାଭ ବଂଶୀ ମୁଖ କୋଦଣ୍ଡ ରାମ ଏକ ଅଧା ଗଢ଼ାରେ ବିସ୍ମୟ ବିଭୋର ଉନ୍ମତ ହୋଇଲି

ହୃଦ ଢ଼ଲିଲେ ତୁଣ୍ଡ ବୋଲେ ରାମ ରାମ ରାମ

ହୃଦ ଢ଼ଲିଲେ ତୁଣ୍ଡ ବୋଲେ ରାମ ରାମ ରାମ କରତାଳି ପାଶକୁ ଲାଗି ଆସନ୍ତି ମୃଦଙ୍ଗ ଝାଞ୍ଜ ନଗର ବୁଲିଲେ ଗ୍ରାମ ବୋଲେ କୃଷ୍ଣ କୃଷ୍ଣ କୃଷ୍ଣ ହୃଦୟ ପାଶକୁ ଲାଗି ମନ ବୋଲେ ନାମ କଞ୍ଜ

କୁନି କୁନି ପାଦ ଚିହ୍ନରେ ଫୁଟେ

କୁନି କୁନି ପାଦ ଚିହ୍ନରେ ଫୁଟେ କମଳ ଦେବକୀ ନନ୍ଦନ ବାଳ ଗୋପାଳ ମଧୁର କାଳି ଦଳା ବଳି ଦଳା ଅହଲ୍ୟା ଉଦ୍ଧାର କମଳା ସେବିତ ପାଦ ଛୁଇଁବାକୁ ଅଧିର

ଗୋବିନ୍ଦ ରୂପ ଚିନ୍ତେ

ଗୋବିନ୍ଦ ରୂପ ଚିନ୍ତେ ହୃଦୟରେ ଅତି ମଧୁର ବଂଶୀ ବଦନ ବିଗ୍ରହ ନିବୃତ୍ତି ପଥରେ ନିଅ ହେ ଗୋବିନ୍ଦ ଆଖିରେ ଦେଖିବାକୁ ବଡ ଆଗ୍ରହ

ଅନ୍ତରରେ ରାମ ବାହାରେ ରାମ

ଅନ୍ତରରେ ରାମ ବାହାରେ ରାମ ଜଳ ସ୍ଥଳ ରାମ ଗଗନରେ ରାମ ଗିନି ରାମ ମୃଦଙ୍ଗ ବୋଲେ ରାମ ବେଳ ଅବେଳ ରାମ ରାମ ରାମ

ଆହାଃ କେଡେ ମଧୁର କୃଷ୍ଣ ତୋ ନାମ

ଆହାଃ କେଡେ ମଧୁର କୃଷ୍ଣ ତୋ ନାମ ତୁଣ୍ଡରେ ଦେଲେ ପ୍ରାଣ ପବନ ମଳୟ ଆହାଃ କେଡେ ସୁନ୍ଦର କୃଷ୍ଣ ତୋ ରୂପ ସ୍ମରଣ କଲେ ହୃଦୟ ପ୍ରଶାନ୍ତି ନିଳୟ