ପାଦରେ ବାନ୍ଧିଲି ଘୁଙ୍ଗୁର

ପାଦରେ ବାନ୍ଧିଲି ଘୁଙ୍ଗୁର ତୁମ୍ଭରି ପାଇଁ ହେ ଶ୍ୟାମ ଆରତୀ ବେଳେ ନାଚିବି ଆଶିଷ ଦିଅ ଆତ୍ମା ରାମ

ମାୟା ଦେହ ଇନ୍ଦ୍ରିୟ ପାଲିଙ୍କି

ମାୟା ଦେହ ଇନ୍ଦ୍ରିୟ ପାଲିଙ୍କି ମନ ଅହଂ ଷଢ଼ ରିପୁ ବିକାର ବୁଦ୍ଧି କାମ ଅର୍ଥ ଧର୍ମ ମୋକ୍ଷ ଆତ୍ମା ବ୍ରହ୍ମଦାରୁ ଅଖିଳାଧାର

ଗୋବିନ୍ଦ ଶ୍ରୀହରି ଗୋବିନ୍ଦ ଶ୍ରୀପତି

ଗୋବିନ୍ଦ ଶ୍ରୀହରି ଗୋବିନ୍ଦ ଶ୍ରୀପତି ବ୍ରହ୍ମଦାରୁ ଅଧାଗଢା ବ୍ରହ୍ମାନନ୍ଦ କନ୍ଦ ଗୋବିନ୍ଦ ଶ୍ରୀନାଥ ଗୋବିନ୍ଦ ଶ୍ରୀଧର ଚକାଡୋଳା ରବି ଶଶୀ ସଚ୍ଚିଦାନନ୍ଦ

ଭାବ ଦଉଡ଼ିରେ ମହାବାହୁଙ୍କୁ ବାନ୍ଧି ପାରିବିକି

ଭାବ ଦଉଡ଼ିରେ ମହାବାହୁଙ୍କୁ ବାନ୍ଧି ପାରିବିକି ବ୍ରହ୍ମଦାରୁ ହେ ମୁହିଁ ବଡ଼ ଅଭାବି ପତିତ ଜନ ଚକାଡୋଳା ଦେଖି ମୋର ମନ ସ୍ଥିର ହେଲା ଛନ୍ଦା ଚରଣକୁ ଝୁରି ଝୁରି ମଲା ହୃଦୟ ମନ

ଶ୍ରୀଜଗନ୍ନାଥଙ୍କର ପୂଜା କରିବାଟା ହିଁ ଛଳନା

ଶ୍ରୀଜଗନ୍ନାଥଙ୍କର ପୂଜା କରିବାଟା ହିଁ ଛଳନା ନରଦେହରେ ଅସମ୍ଭବ ନିର୍ଗୁଣ ବ୍ରହ୍ମ ସାଧନା ଅଲେଖ ଅରୂପ ନିରାକାର କୃଷ୍ଣ ବାସୁଦେବ ବୁଦ୍ଧିରେ ବ୍ରହ୍ମଦାରୁ ଚରଣ ଲଭିବା କଳ୍ପନା

ଚାରି ଆଡକୁ ଭାରି ମୋର କଡ଼ା ନଜର

ଚାରି ଆଡକୁ ଭାରି ମୋର କଡ଼ା ନଜର ତେଣୁ ଆତ୍ମା ଜ୍ୟୋତି ହୁଏ ନାହିଁ ଦୃଶ୍ୟ ଶ୍ରୀପତି ବ୍ରହ୍ମଦାରୁ ମୋର ଆତ୍ମା କୁଟୁମ୍ବ ଘୋର ମାୟା ସଂସାର ସ୍ପର୍ଶରେ ଅସ୍ପୁର୍ଷ୍ୟ

ଅକ୍ଷରରେ ଅଧମର ଭକତି

ଅକ୍ଷରରେ ଅଧମର ଭକତି ବ୍ରହ୍ମ ସାଧନାରେ ମହାଶୂନ୍ୟ ଛୁଇଁବିକି କୃଷ୍ଣ ଛନ୍ଦା ଚରଣ ଦୁର୍ଲଭ ଜନ୍ମ ହୋଇବ ଧନ୍ୟ

ମୋହନ ବଂଶୀ ମୋହନ ବଂଶୀ ଆହେ ମୋହନ ବଂଶୀ

ମୋହନ ବଂଶୀ ମୋହନ ବଂଶୀ ଆହେ ମୋହନ ବଂଶୀ ତୁମ୍ଭ ଚନ୍ଦ୍ର ସୂର୍ଯ୍ୟ ଚକାଡ଼ୋଳାରେ ମନଟି ରହିଗଲା ରସି କାଳୀୟ ଶିରେ ତ୍ରିଭଙ୍ଗ ବାଳ ଗୋପାଳ ଶିରେ ଶିଖି ପୁଚ୍ଛ ହେ ପୀତବାସ ତୁମ୍ଭ ଛନ୍ଦା ଚରଣରେ ଆତ୍ମା ଗଲାଣି ବସି

ଓଁ ନମୋ ହରି ନାରାୟଣାୟ ଗୋବିନ୍ଦ ବ୍ରହ୍ମଦାରୁ

ଓଁ ନମୋ ହରି ନାରାୟଣାୟ ଗୋବିନ୍ଦ ବ୍ରହ୍ମଦାରୁ ଲକ୍ଷ୍ମୀ ମନ୍ଦାର ଶଙ୍ଖ ଚକ୍ରଧର ସର୍ବ ହୃଦୟ ନିବାସୀ ଓଁ ନମୋ ହରି ନାରାୟଣ ବାସୁଦେବ ଶ୍ରୀଜଗନ୍ନାଥ ତ୍ରାହି ଗରୁଡ ବାହାନ ମାୟା ଜାଲରେ ଯାଇଛି ଫସି

କୃପାମୟୀ ଜନନୀ ମୋର ମହାଲକ୍ଷ୍ମୀ

କୃପାମୟୀ ଜନନୀ ମୋର ମହାଲକ୍ଷ୍ମୀ ଦୟାକରି ଫିଟାଇ ଦିଅ ମୁକ୍ତି କବାଟ କେବଳ ପିତାଙ୍କ ପାଦ ଛୁଇଁ ଫେରିବି ଅନ୍ୟ କିଛି ଲାଗି କରିବି ନାହିଁ ଅଝଟ

କେବଳ ତୁମ୍ଭରି କୃପାରେ ତୁମ୍ଭରି ଭେଟ

କେବଳ ତୁମ୍ଭରି କୃପାରେ ତୁମ୍ଭରି ଭେଟ ବ୍ରହ୍ମଦାରୁ ଲଗାଇଛ ଅବୁଝା ମାୟାର ନାଟ ଅସ୍ତି ମେଦ ପିଞ୍ଜରା ଢାଙ୍କୁଣୀ ଏହି ଶରୀର କ୍ଷୀଣ ବୁଦ୍ଧି ଫିଟାଇବକି ନିଷ୍କାମ କବାଟ

ବ୍ରହ୍ମଲୋକ ତେଜିବା ଦିନଠୁଁ ରାମ ବଡ ଅରକ୍ଷିତ

ବ୍ରହ୍ମଲୋକ ତେଜିବା ଦିନଠୁଁ ରାମ ବଡ ଅରକ୍ଷିତ ମନ ବୁଦ୍ଧି ବିବେକ ବୈକୁଣ୍ଠକୁ ପଥ ଭୁଲିଯାଇଛନ୍ତି ଛନ୍ଦା ଚରଣରେ ଥକା ମେଣ୍ଟାଇଥାନ୍ତି ମାଆ କମଳା ଅତି ଦୟାଳୁ ବ୍ରହ୍ମଦାରୁ ଅଧାଗଢା ବୋଲି କହୁଛନ୍ତି

ଶରୀରଟି

ଶରୀରଟି ଶରଦ ନିର୍ମଳ ଆକାଶ ହୃଦୟଟି କରୁଣା ଉଛୁଳା ସମୁଦ୍ର ଚରଣ ବେନି କମଳା ଆଞ୍ଜୁଳିରେ ଲଭିବିକି ଭକତିରେ ଅତି ଦରିଦ୍ର

କେବଳ ସୂର୍ଯ୍ୟ ଯାହାର ତୁଳନା

କେବଳ ସୂର୍ଯ୍ୟ ଯାହାର ତୁଳନା ନିଷ୍କାମ ସେବା ଯାହାର ଅର୍ଚ୍ଚନା ସେହି ଦିଅଁ ଅଧାଗଢା ବ୍ରହ୍ମଦାରୁ ଅରୂପ ସ୍ୱରୂପ ଜୀବର ଚେତନା

ସବୁଠାରୁ ବଡ

ସବୁଠାରୁ ବଡ ଚୋର ଯଶୋଦା ରାଣୀ ବାଳ ଯେ ଚୋରି କରନ୍ତି ଭକ୍ତର ଚିତ୍ତ ବିତ୍ତ ହୃଦୟ ଦେହ ନବ ଦ୍ୱାରରେ ବଧିଣ ମୋହ ଷଢ଼ ରିପୁ ଛନ୍ଦା ପାଦରେ ଶରଣ ଦିଅନ୍ତି ଯାହାକୁ ସଦୟ

ମହାବିଷ୍ଣୁଙ୍କର ଅର୍ଦ୍ଧାଙ୍ଗିନୀ

ମହାବିଷ୍ଣୁଙ୍କର ଅର୍ଦ୍ଧାଙ୍ଗିନୀ ମୂଳ ପ୍ରକୃତି ବ୍ରାହ୍ମଣୀ ଦେବ କନ୍ୟା କ୍ଷୀର ସାଗର ସୁତା ବସୁଧା କନ୍ୟା ଉଷା ଗାୟତ୍ରୀ ବଶିଷ୍ଠ କାମଧେନୁ କୃଷ୍ଣ ଶ୍ରୀରାଧା ଛନ୍ଦା ପାଦଙ୍କୁ ଭେଟିବି ମାଆ କରୁଣା କର ବନ୍ୟା

ଏହି ପାପୀ କେବଳ ଅଧା ଆଖିକୁ ଦିଶୁଛି

ଏହି ପାପୀ କେବଳ ଅଧା ଆଖିକୁ ଦିଶୁଛି କେମିତି ଚିହ୍ନିବି ତୁହି ଲକ୍ଷ୍ମୀ କି ନାରାୟଣ ଅଦୃଶ୍ୟ ଅଭୟ ଛନ୍ଦା ପାଦରେ ମନ ରହୁ ହେ ବ୍ରହ୍ମଦାରୁ ଅଧାଗଢା କର୍ତ୍ତା କର୍ମ ଶରଣ

କେବଳ ପ୍ରପନ୍ନ ସୁରକ୍ଷା ନିମନ୍ତେ ଆଵିଭାର୍ବ

କେବଳ ପ୍ରପନ୍ନ ସୁରକ୍ଷା ନିମନ୍ତେ ଆଵିଭାର୍ବ ମାଆ ଗୋ କେବଳ ଧର୍ମ ସଂସ୍ଥାପନ ନିମନ୍ତେ ଅରୂପ ଆତ୍ମ ଜ୍ୟୋତି ବିନ୍ଦୁ ଅର୍ଦ୍ଧମାତ୍ରା ଓଁକାର ବିଷ୍ଣୁ ହୃଦୟ ପ୍ରକୃତି ପାଦ ପୂଜିବି କେମନ୍ତେ

ଆରେ ରାମ ହରି ରାମ ହରି ରାମ ହରି ରାମ ହରି

ଆରେ ରାମ ହରି ରାମ ହରି ରାମ ହରି ରାମ ହରି ବାପଧନରେ କାହିଁ ରହିଲ ଅଭାଗିନୀକୁ ମନ ମାରି ଗର୍ଭରେ ଧାରଣ କରିନି ବୋଲି ଭୁଲି କିବା ଗଲକି ଥରୁଟେ ଦେଖିଯା ଯଶୋଦା ଆତ୍ମା କାନ୍ଦଇ ଗୁମୁରି

ହରି ନାମ ରାମ ନାମ ସଂକୀର୍ତ୍ତନ ସ୍ଥଳରେ

ହରି ନାମ ରାମ ନାମ ସଂକୀର୍ତ୍ତନ ସ୍ଥଳରେ ଭକ୍ତ ମନ୍ଦାର ଶ୍ରୀକୃଷ୍ଣ ଶିରରେ ଶିଖିପୂଛ ତ୍ରିଭଙ୍ଗ ଠାଣି ଅଧରରେ ମଧୁର ମୋହନ ବଂଶୀ ରାଧା କୃଷ୍ଣ ରାଧା କୃଷ୍ଣ ମୃଦଙ୍ଗ ସୀତା ରାମ ସୀତା ରାମ ଗାଏ ଗିନି ଭାବ ଜୁଆରରେ ଉଲ୍ଲସିତ ଭକ୍ତି ଘୁଙ୍ଗୁର ବାନ୍ଧି ଜୀବ ଆତ୍ମା ହଂସୀ

କହ କହ ମୋର ପ୍ରାଣ ମିତଣୀ ସେ କିଏ

କହ କହ ମୋର ପ୍ରାଣ ମିତଣୀ ସେ କିଏ ଚିହ୍ନା ଜଣା ନାହିଁ ଆଖି ଆଖିରେ ରସିଲେ ଆଲୋ କିଏ ଲୋ ସେ ଭଦ୍ରା ଡାହାଣରେ ଆତ୍ମା ଲାଖିଯାଏ ଥରେ ବିକଳେ ଚିନ୍ତିଲେ

ସେହି କମଳା ପତିଙ୍କ ସମାନ ସହୁଥିବ

ସେହି କମଳା ପତିଙ୍କ ସମାନ ସହୁଥିବ ସୀତା ପତିଙ୍କ ସମ ହୋଇଥିବ ତ୍ୟାଗୀ ରୁକ୍ମଣୀ ହୃଦ ସମ ପ୍ରେମିକ ହୋଇଥିବ ସେ ଲକ୍ଷ୍ମୀ ପତିଙ୍କୁ ଅନେଇ ବସିଛି ଜଗି

କିଏ ସେ କରି ପାରିବ ଅଧାଗଢାଙ୍କୁ ସମ୍ପୂର୍ଣ୍ଣ

କିଏ ସେ କରି ପାରିବ ଅଧାଗଢାଙ୍କୁ ସମ୍ପୂର୍ଣ୍ଣ ସର୍ବେ ମାୟା ମୋହିତ ନାହିଁ ଇଛା ବଳ ଶକ୍ତି କିଏ ସେ ବ୍ରହ୍ମଦାରୁରେ ପ୍ରାଣ ପ୍ରତିଷ୍ଠା କରିବ କାହାର ବୈଷ୍ଣବ ପ୍ରହଲ୍ଲାଦଙ୍କ ସମକକ୍ଷ ଭକ୍ତି

ମୋର ଯେଉଁ ପାରିବା ପଣ

ମୋର ଯେଉଁ ପାରିବା ପଣ ଶ୍ରୀହରିଙ୍କୁ କିବା ନାହିଁ ଜଣା ଛନ୍ଦା ପାଦ କେବଳ ଲକ୍ଷ୍ୟ କାହିଁକି କରୁଅଛ ପଥ ବଣା

ହେ ଚକାଆଖି ତୁମ୍ଭ ପତିତପାବନ

ହେ ଚକାଆଖି ତୁମ୍ଭ ପତିତପାବନ ବାନା ଅତି ଦୟାଳୁ କୁହ ଆଉ କେତେବେଳକୁ ଡାକି ଡାକି ମୋର ଜୀବନ କାଳ ସରିଲା ଥରେ ନ ଡାକିଲ ବ୍ରହ୍ମଦାରୁ ଛାଇ ତଳକୁ

ସୁକର୍ମ ସକଳ କର୍ମ ଯାହା ମୁହିଁ କରଇ

ସୁକର୍ମ ସକଳ କର୍ମ ଯାହା ମୁହିଁ କରଇ ସେହି ସକଳ ହେଉଯାଉ ନିଷ୍କାମ କର୍ମ ବାଇଶିଟି ଯାକ ପାହାଚ ନିତି ଚଢ଼ୁଥିବି ଦର୍ଶନ ଦେବା ନ ଦେବା ସନାତନ ଧର୍ମ

ମହାବାହୁଙ୍କର କମଳ ହସ୍ତ

ମହାବାହୁଙ୍କର କମଳ ହସ୍ତ ଏହି ପତିତ ମଥାରେ ଥାଉ ଏମିତି ଚିନ୍ତାରେ ଜଗନ୍ନାଥ ଏହି ପାତକୀ ଦିନ ନେଉ

ପ୍ରାଣ ପବନରୁ ଆହୁରି ନିକଟ

ପ୍ରାଣ ପବନରୁ ଆହୁରି ନିକଟ ତୁମ୍ଭେ ହେ ଚକାଡୋଳା ଜୀବନଯାତ୍ରାରେ ଥରୁଟେ ନ ମିଳିଲା ଦେଖିବା ଟିକଟ ଆତ୍ମା ମୋ ସଦା ସର୍ବଦା ଝୁରି ଝୁରି ମରୁଥାଏ ଭେଟିବ ଦେହ ଯାନରେ ବସି ବାହାରିଲେ ଷଢ଼ ରିପୁଙ୍କ ଆକଟ

ଜୀବନ୍ତ ଶବ ଏହି ମୋ ପାତକୀ ଜୀବନ

ଜୀବନ୍ତ ଶବ ଏହି ମୋ ପାତକୀ ଜୀବନ ତୁମ୍ଭେ ପରମ ପାବନ ହେ ଚକାଡୋଳା ସର୍ବେ କହନ୍ତି ବ୍ରହ୍ମଦାରୁ ପରମ ଦୟାଳୁ ଶରଣକୁ ନିଅନ୍ତୁ କୂଳରେ ଲାଗୁ ଭେଳା

ଜୀବନ ମହାଭାରତରେ ଶେଷ ପର୍ବ

ଜୀବନ ମହାଭାରତରେ ଶେଷ ପର୍ବ ଯମ ଦୂତ ସଜ କଲେଣି କୋକେଇ ଥରେ ଦର୍ଶନ ଦିଅନ୍ତୁ ହେ ଆତ୍ମା କୃଷ୍ଣ କେଡେ ଆକୁଳେ ବିକଳେ ଡାକଇ

ଏନ୍ତୁଡ଼ି ଶାଳରେ ସାଥି ଅନ୍ତରଙ୍ଗ ଜନନୀ

ଏନ୍ତୁଡ଼ି ଶାଳରେ ସାଥି ଅନ୍ତରଙ୍ଗ ଜନନୀ ଶଶ୍ମାନ ପଡିଆରେ ପଡିଶା ବନ୍ଧୁ ବାନ୍ଧବ ଜୀବନ ଯାତ୍ରାଟି କେଡେ ଡହଳ ବିକଳ ଥରୁଟେ ଦର୍ଶନ ଦିଅନ୍ତ ଦୟାଳୁ ମାଧବ

ଗୋବିନ୍ଦ ହୋଇଲେ ବ୍ରହ୍ମଦାରୁ

ଗୋବିନ୍ଦ ହୋଇଲେ ବ୍ରହ୍ମଦାରୁ ବ୍ରହ୍ମଦାରୁ ହୋଇଲେ ଅଧାଗଢା ଅଧାଗଢା ଭୁଞ୍ଜିଲେ ମହାପ୍ରସାଦ ମହାପ୍ରସାଦ ନିଅଇଁଠା ଅବଢ଼ା

ଯଶୋଦା ରାଣୀର କଳା ଗୋବିନ୍ଦ

ଯଶୋଦା ରାଣୀର କଳା ଗୋବିନ୍ଦ ମୋର ହୃଦୟ ଅଗଣାରେ ବୁଲୁଛି ଛନ୍ଦା ଚରଣକୁ ହାତ ବଢ଼ାଇଲେ ଶ୍ରୀଗୀତଗୋବିନ୍ଦ ମଧୁର ବୋଲୁଛି

ଓଁ ଓଁକାର

ଓଁ ଓଁକାର ନାରାୟଣ ହରି ବାସୁଦେବ ମହାବାହୁ ଥାଉ ରାମ ଅରକ୍ଷିତ ହେବ ହରି ପ୍ରେମ ପାଗଳ ସତ ହିଁ କହୁଛନ୍ତି ବାସୁଦେବ ବ୍ରହ୍ମଦାରୁ ଶ୍ରୀରାଧା ମାଧବ

କଳା ତୁଳସୀ ହୋଇଲା ତୁମ୍ଭର ଗଳାର ମାଳା

କଳା ତୁଳସୀ ହୋଇଲା ତୁମ୍ଭର ଗଳାର ମାଳା ଶ୍ୱେତ କମଳ ଶୋଭା ବ୍ରହ୍ମଦାରୁ ବଶାଳ ବକ୍ଷ ରୁକ୍ମଣୀ ହୃଦୟରେ ରାଧା ରାଣୀ ଚିତ୍ତ ଚୋରି ଲକ୍ଷ୍ମୀ ସେବନ୍ତି ପାଦ ରାମ ହୋଇଲା ନିରେଖ

ମନ ଅଗଣାରେ ତୁମ୍ଭେ ସଜ

ମନ ଅଗଣାରେ ତୁମ୍ଭେ ସଜ ଗୋଲାପ ଛୁଇଁବାକୁ ମନଟି କରେ ଭାରି ବିଳାପ ଛନ୍ଦା ଚରଣରେ ରଖନ୍ତୁ ହେ ବନମାଳୀ ହୃଦୟ ମିଶାଇ କରିବା ବାର୍ତ୍ତା ଆଳାପ

ମୋହନ ମୁରଲୀ ତେଜି କାଳିଦଳା ହେଲେ ଅଧାଗଢା

ମୋହନ ମୁରଲୀ ତେଜି କାଳିଦଳା ହେଲେ ଅଧାଗଢା କମଳ ଛନ୍ଦା ଚରଣକୁ ଉଡି ଉଡି ଖୋଜେ ଆତ୍ମା ହଂସ ଶ୍ରୀ ଗୀତଗୋବିନ୍ଦ ଶ୍ରୀମଦ ଭାଗବତ ଶ୍ରୀଲକ୍ଷ୍ମୀ ପୁରାଣ ମା କମଳା ସେବିତ ଚରଣକୁ ଉଡି ଖୋଜେ ହରିବଂଶ

ଅଥଳ ଅକୂଳ ସେହି ଅମୃତ ଶ୍ରୀକୃଷ୍ଣ କଥା ସରିତା

ଅଥଳ ଅକୂଳ ସେହି ଅମୃତ ଶ୍ରୀକୃଷ୍ଣ କଥା ସରିତା ସତେ କିବା ମୋ ବୋଉ ହାତ ରନ୍ଧା ଓଉ ରାଇତା କର୍ଣ୍ଣରେ ପଡିଗଲେ ମନ ରଖଇ ହୃଦରେ ସାଇତି ଜୟଦେବ ଦଶବତାର କାନ୍ଧରେ ଯଜ୍ଞର ପଇତା

ଜବା କୁସୁମଠାରୁ ଆହୁରି ନାଲି ଅଧର

ଜବା କୁସୁମଠାରୁ ଆହୁରି ନାଲି ଅଧର କଳା ମେଘଠାରୁ ବେଶୀ କଳା ଦେହ ରବି ସୁଧାକରଠାରୁ ଉଜ୍ଜଳ ଲୋଚନ ଓଁକାରଠାରୁ ଗମ୍ଭୀର ମନ୍ତ୍ର ସୋ ଅହଂ

ଇଛା ଶକ୍ତି ବଳ କାଳଚକ୍ର କୃଷ୍ଣ ବ୍ରହ୍ମଦାରୁ

ଇଛା ଶକ୍ତି ବଳ କାଳଚକ୍ର କୃଷ୍ଣ ବ୍ରହ୍ମଦାରୁ ବ୍ରହ୍ମଦାରୁ ରାମ ବଳରାମ ଭଦ୍ରା ସୁଦର୍ଶନ ବ୍ରାହ୍ମଣ କ୍ଷତ୍ରିୟ ବୈଶ୍ୟ ଶୁଦ୍ର ଏକ ଆକାର ଶ୍ରୀକ୍ଷେତ୍ର ମହାପ୍ରସାଦ ଅବଢ଼ା ଆତ୍ମା ଦର୍ଶନ

ବ୍ରାହ୍ମ ମୁହୂର୍ତ୍ତ ମନ୍ତ୍ର ରାଜ ଗାୟତ୍ରୀ ତୁମ୍ଭେ ହେ ବ୍ରହ୍ମଦାରୁ

ବ୍ରାହ୍ମ ମୁହୂର୍ତ୍ତ ମନ୍ତ୍ର ରାଜ ଗାୟତ୍ରୀ ତୁମ୍ଭେ ହେ ବ୍ରହ୍ମଦାରୁ ମହା ପାବନ ତୀର୍ଥ ରାଜ ଶ୍ରୀକ୍ଷେତ୍ର ତୁମ୍ଭେ ହେ ଶ୍ରୀପତି ବ୍ରହ୍ମ ନାଦ ମନ୍ତ୍ର ବୀଜ ଓଁକାର ତୁମ୍ଭେ ହେ ଚକାଡୋଳା ମହା ପାବନ ଯାତ୍ରା ବାଇଶି ପାହାଚ ଜୀବ ମୋକ୍ଷ ଗତି

ଶୁଦ୍ର କୁଳରେ ଏହି ମହାପତିତର ଜନ୍ମ ହେ ଗୋବିନ୍ଦ

ଶୁଦ୍ର କୁଳରେ ଏହି ମହାପତିତର ଜନ୍ମ ହେ ଗୋବିନ୍ଦ ଗୋବିନ୍ଦ ହେ ମୋର ବେଦ ଶାସ୍ତ୍ରରେ ନାହିଁ ପ୍ରବେଶ ନିରନ୍ତର ମନ ଭ୍ରମର ଝୁରେ ଚୁମିବାକୁ ପାଦ କମଳ ଅମୃତ ଶ୍ରୀକୃଷ୍ନ ଲୀଳା କେଡେ ପାବନ କିବା ସୁବାସ

କରୁଣା ବରୁଣାଗାର ଅର୍ଜୁନ ଉପଦେଷ୍ଟା

କରୁଣା ବରୁଣାଗାର ଅର୍ଜୁନ ଉପଦେଷ୍ଟା ହେ ଶ୍ରୀଗୀତଗୋବିନ୍ଦ ଅମୃତ ଲେଖନୀ ବ୍ୟର୍ଥ ହେଲା ଏହି ଦୁଲର୍ଭ ନର ଶରୀର ହେ ଶ୍ରୀକୃଷ୍ଣ ଚନ୍ଦ୍ର ମୁହିଁ ହେଲି କୁମୁଦୁନୀ

ଫେରିବା ବେଳ ଆସି ନିସ୍ୱାଶ ପାଖରେ

ଫେରିବା ବେଳ ଆସି ନିସ୍ୱାଶ ପାଖରେ ଥରୁଟେ ଆଖି ନ ଦେଖିଲା ଶ୍ରୀଗୋବିନ୍ଦ ଆହାର ନିଦ୍ରା ମୈଥୁନରେ କାଳ ଗଲା ଥରୁଟିଏ ଛୁଇଁ ପାରିଲି ନାହିଁ ଛନ୍ଦାପାଦ

ତୋହଠାରୁ ବଡ ସଂସାରୀ କେହି ନାହିଁ

ତୋହଠାରୁ ବଡ ସଂସାରୀ କେହି ନାହିଁ କେହି ନାହିଁ ତୋଠାରୁ ବଡ଼ ବୈରାଗୀ ଅଜର ଅମର ଅଲେଖ ଅରୂପ ନିର୍ଗୁଣ ତୋହଠାରୁ କେହି ନାହିଁ ବଡ଼ ନିରୋଗୀ

ଗୋବିନ୍ଦ ଗୋବିନ୍ଦ ଗୋବିନ୍ଦ

ଗୋବିନ୍ଦ ଗୋବିନ୍ଦ ଗୋବିନ୍ଦ ତୁଳସୀ ବ୍ରହ୍ମଦାରୁ ବ୍ରହ୍ମାନନ୍ଦ ଗୋବିନ୍ଦ ଗୋବିନ୍ଦ ଗୋବିନ୍ଦ ଜାହ୍ନବୀ ଜଗନ୍ନାଥ ଚିଦାନନ୍ଦ

ଫୁଲ ଫଳ ନ ଛିଡ଼ାଇଲେ ବୃକ୍ଷ ସୁନ୍ଦର

ଫୁଲ ଫଳ ନ ଛିଡ଼ାଇଲେ ବୃକ୍ଷ ସୁନ୍ଦର ଦୀପଟିଏ ଜଳିଲେ ଅପସରେ ଅନ୍ଧାର ନିଷ୍କାମ ସେବା କରିଲେ ଆତ୍ମା ସୁନ୍ଦର ସର୍ବଦା ସୁନ୍ଦର ଶ୍ରୀକୃଷ୍ଣ ଭକ୍ତ ମନ୍ଦାର

ସକଳ ଧର୍ମର ଏକ ରୂପ ପଦ୍ମନାଭ

ସକଳ ଧର୍ମର ଏକ ରୂପ ପଦ୍ମନାଭ ସକଳ ଧର୍ମର ଏକ ସଜ୍ଞା ବ୍ରହ୍ମଦାରୁ ସକଳ ଧର୍ମର ପ୍ରାପ୍ତି ନିଷ୍କାମ ପ୍ରେମ ସକଳ ଧର୍ମର ଆଶରା ମହାମେରୁ

ସୁନ୍ଦର କିବା ଅସୁନ୍ଦର ମୁହିଁ କହି ପାରିବି ନାହିଁ

ସୁନ୍ଦର କିବା ଅସୁନ୍ଦର ମୁହିଁ କହି ପାରିବି ନାହିଁ ମୁହିଁ କେବେ ନିଜ ଆଖିରେ ତାଙ୍କୁ ଦେଖି ନାହିଁ ମୋର ସ୍ୱପ୍ନରେ ମୋର ପରମ ପ୍ରେମ ଶ୍ରୀପତି ଗରୁଡ ପଛରେ ଆତ୍ମା ତୋଷନ୍ତି ଦେଲେ ଚାହିଁ

ଶରୀର କ୍ଷେତ୍ର ଶ୍ରୀଗୋବିନ୍ଦ କ୍ଷେତ୍ରଜ୍ଞ

ଶରୀର କ୍ଷେତ୍ର ଶ୍ରୀଗୋବିନ୍ଦ କ୍ଷେତ୍ରଜ୍ଞ ଏହି ଭାଵ ଚିନ୍ତା ଶ୍ରୀଗୋବିନ୍ଦ ଅର୍ଚ୍ଚନ ଜୀବ ଭୁଞ୍ଜିଲେ ଶ୍ରୀଗୋବିନ୍ଦ ଭୋଜନ ଆତ୍ମା ଭାବ ଚିନ୍ତା ଶ୍ରୀଗୋବିନ୍ଦ ଭଜନ

ଦୁଃର୍ଜନ ସାଙ୍ଗ ହେଲେ ଧନ ଜୀବନ ଯାଏ

ଦୁଃର୍ଜନ ସାଙ୍ଗ ହେଲେ ଧନ ଜୀବନ ଯାଏ ସଜ୍ଜନ ସଙ୍ଗରେ ମାନ ସମ୍ମାନ ବୃଦ୍ଧି ପାଏ ନିର୍ଗୁଣ ବ୍ରହ୍ମଙ୍କୁ ହୃଦୟ ପଦ୍ମରେ ଚିନ୍ତିଲେ ଜୀବତ୍ମା ପଡେ ଛନ୍ଦା ଚରଣର ମୋହେ