ସଭିଙ୍କ ତୁଣ୍ଡରେ ଦେଲା ରାମ ନାମ ସୁଧା

ସଭିଙ୍କ ତୁଣ୍ଡରେ ଦେଲା ରାମ ନାମ ସୁଧା ସଭିଙ୍କ କର୍ଣ୍ଣରେ ଦେଲା ହରି ନାମ ସୁଧା କୋକେଇରେ ଶୋଇ ଜୀବ ପଳେଇଲା ଏଡି ସକଳ ମାୟା ସଂସାର ବନ୍ଧନ ବାଧା

ଦୟା କର ମାଆ ଗୋ ଶଶ୍ମାନ ବାସିନୀ

ଦୟା କର ମାଆ ଗୋ ଶଶ୍ମାନ ବାସିନୀ ହୃଦୟ ପଦ୍ମରେ କେତେ ଚିନ୍ତଇ ତୋତେ ଦୟା ବହି ମାଆ ଦିଅ ଗୋବିନ୍ଦ ଠିକଣା ନ ପଚାର ମା ସେବା ମୁଁ କରିଛି କେତେ

Who did water the cactus ?

Who did water the cactus ? This summer is terrible hot Everywhere there are buds The sun did not carry water pot !

ପୋତିପକା ପୋଡିପକା ଭସାଇ ଦିଅ ଶବକୁ

ପୋତିପକା ପୋଡିପକା ଭସାଇ ଦିଅ ଶବକୁ ଶବ ସର୍ବ ବ୍ୟାପି ପାଞ୍ଚ ଭୂତଙ୍କ ହୁଏ ଭୋଜନ ଭଜନ ମନନ ଶ୍ରବଣ କଲେ ଶ୍ରୀହରି ନାମକୁ ଜୀବ ପରମାନନ୍ଦ ପରମ ପଦ ହୁଏ ଭାଜନ

କାହାର ଅଲିଅଳି କନ୍ୟା ମାଆ କେଉଁ ଗାଁ ଘର

କାହାର ଅଲିଅଳି କନ୍ୟା ମାଆ କେଉଁ ଗାଁ ଘର ବାଳ ତ୍ରିପୁର ସୁନ୍ଦରୀ କହ ଅଶେଷ କରୁଣା ବହି ଏଡିକି ଯତ୍ନେ କିଏ ସଜେଇଛି ହୃଦୟେ ବସାଇ ସେ ଚଣ୍ଡୀ ଦାସର ପାଦ ପଙ୍କଜ ଦେବି ଧୋଇ

ଧୀରେ ଥାପୁଡ଼ୁ ସଧିରେ ଥାପୁଡ଼ୁ ଗୋବିନ୍ଦ ପଦ

ଧୀରେ ଥାପୁଡ଼ୁ ସଧିରେ ଥାପୁଡ଼ୁ ଗୋବିନ୍ଦ ପଦ ବାସୁକୀ ପୃଷ୍ଠରେ ବିଶ୍ରାମ କରିଅଛନ୍ତି ଆଦିକନ୍ଦ ଧୀରେ ଥାପୁଡ଼ୁ ସଧିରେ ଥାପୁଡ଼ୁ କମଳା ସଦୃଶ ଅଖିଳ ସଚରାଚର ପ୍ଲାବିତ କରୁଥାଉ ମକରନ୍ଦ

ଅସହାୟକୁ ସହାୟ

ଅସହାୟକୁ ସହାୟ ଶ୍ରୀଗୋବିନ୍ଦ ସଦୃଶ୍ୟ ଭାବକୁ ଅତି ନିକଟ ଅଭାବକୁ ଅଦୃଶ୍ୟ

ନବ ପଲ୍ଲବିତ ବଟ ବୃକ୍ଷ ତଳ ଛାୟାରୁ ସୁଶୀତଳ

ନବ ପଲ୍ଲବିତ ବଟ ବୃକ୍ଷ ତଳ ଛାୟାରୁ ସୁଶୀତଳ ଗୋବିନ୍ଦ ଜଳ ପବନଠାରୁ ଅଧିକ ବେଶୀ ଘନିଷ୍ଠ ପ୍ରଥମ ପ୍ରେମ ପ୍ରଥମ ଆଲିଙ୍ଗନଠାରୁ ବି ଉଦାର ଗୋବିନ୍ଦ ଧରା ନ ଦିଏ ସହଜରେ ଏଡ଼େ କନିଷ୍ଠ

ତୋ ପାଖକୁ ସବାରୀରେ କି ପାଲିଙ୍କିରେ ଯିବି

ତୋ ପାଖକୁ ସବାରୀରେ କି ପାଲିଙ୍କିରେ ଯିବି ପାଞ୍ଚ ଭୁତ କି ପାଞ୍ଚ ପ୍ରାଣ ନ କହିଲେ ମୋତେ ହେ ଚିନ୍ମୟ ଅପ୍ରମେୟ ପଞ୍ଚାକ୍ଷର ଶ୍ରୀଜଗନ୍ନାଥ ପଞ୍ଚ ମନ ପଞ୍ଚ କୋଷ ଭରସା କଲେ ତୋତେ

ତୁହି ମାଆ ଗୋ ତପ୍ତ କାଞ୍ଚନ ଗୌରାଙ୍ଗୀ

ତୁହି ମାଆ ଗୋ ତପ୍ତ କାଞ୍ଚନ ଗୌରାଙ୍ଗୀ ଅଗ୍ନି ସମ୍ଭୁତ ଅଙ୍ଗରୁ ସରଜିଲୁ ଗଣପତି କରୁଣା ଲୁହରେ କଜଳ କଳା ତୋ ଦେହ ଆହାଃ କେଡେ କରୁଣା ବହୁ ସନ୍ତାନ ପ୍ରତି

ପଦ୍ମନାଭରେ ଫୁଟିଛି ଅତୀବ ରମଣୀୟ କମଳ

ପଦ୍ମନାଭରେ ଫୁଟିଛି ଅତୀବ ରମଣୀୟ କମଳ ମୁନୀ ମାନସ ହଂସର ଅତି ପ୍ରିୟ ତାହାର ନାଡ଼ୀ ବାସନା ଥିଲେ ଚାଖିବାକୁ ଅପୂର୍ବ ତାର ମକରନ୍ଦ ମନ ଭ୍ରମରରେ ବୈଷ୍ଣବଙ୍କ ପାଦରେ ଥାଅ ପଡ଼ି

ଦୁଃଖ ପାଶୋରା ତୁମ୍ଭେ ମୋ ସୁଖ ପଶରା

ଦୁଃଖ ପାଶୋରା ତୁମ୍ଭେ ମୋ ସୁଖ ପଶରା ଭାରି ଖସରା ତୁମ୍ଭେ ମୋ ସକଳ ଆଶରା ସତେ ହୋଇବକି ଏଡ଼େ ଭାଗ୍ୟ ମୋହର ହେ ଗୋବିନ୍ଦ ଆତ୍ମା ଲଭିବ ତୁମ୍ଭ ଇଶାରା

ତୁମ୍ଭେ ହେଲେ ମୋହର ଆତ୍ମା ହେ ଗୋବିନ୍ଦ

ତୁମ୍ଭେ ହେଲେ ମୋହର ଆତ୍ମା ହେ ଗୋବିନ୍ଦ ହେ ଗୋବିନ୍ଦ ତୁମ୍ଭରି ବିଭୁତି ମୋ ପିତା ମାତା ପିତା ମାତା ଲଭିଲେ ପରକାଳ ହେ ଗୋବିନ୍ଦ ଗୋବିନ୍ଦ ହେ ତୁମ୍ଭେ ହିଁ କେବଳ ଆକ୍ଷିର ପତା

ବ୍ରହ୍ମ କମଳଟିଏ ଫୁଟିଥିଲି ଭବ ପାରାବାରେ

ବ୍ରହ୍ମ କମଳଟିଏ ଫୁଟିଥିଲି ଭବ ପାରାବାରେ ଆଶା କରି ଶୋଭା ପାଇବି କମଳା ହସ୍ତରେ କେବେ ଚାଙ୍ଗୁଡିରେ କେବେ ଫୁଲ ମାଳରେ ଆଶା କରି କମଳା ଭେଟନ୍ତି ଚଲା ରାସ୍ତାରେ

Madhu Malati

Madhu became Malati Just in the touch of sun ray Gobind you're so intimate! Even one word,didn't say !

ତୁମ୍ଭେ ଫୁଲର ମାଳ ହେ ଗୋବିନ୍ଦ

ତୁମ୍ଭେ ଫୁଲର ମାଳ ହେ ଗୋବିନ୍ଦ ତୁମ୍ଭେତ ମୋହର ପୂଜାର ଆଳତି ତୁମ୍ଭେ ଦୁଷ୍ଟର ଗାଳି ହେ ଗୋବିନ୍ଦ ତୁମ୍ଭେତ ମୋହର ସହିବା ଶକତି

ଜନନୀ ପିଟିବାକୁ ତେନ୍ତୁଳି ଛାଟ ଉଠାଇଲେ

ଜନନୀ ପିଟିବାକୁ ତେନ୍ତୁଳି ଛାଟ ଉଠାଇଲେ ଲୁହ ଛଳ ଛଳ ଶିଶୁ କୋଳକୁ ଯାଏ ଆଉଜି କେତେ ପରକ୍ଷିବୁ ଲୋ କରୁଣା ମୁହିଁ ମାଆ ପାଦ ଜାବୁଡିଥିବି ଯେମିତି ପାଦର ପାଉଁଜି

ଅତି କ୍ଷୀଣ ମୋ ସ୍ମୃତି ଅତି କ୍ଷୀଣ ମୋ ବୁଦ୍ଧି

ଅତି କ୍ଷୀଣ ମୋ ସ୍ମୃତି ଅତି କ୍ଷୀଣ ମୋ ବୁଦ୍ଧି ମନ ପଛେ ପଛେ ସଦା ଚଳେ ମୋର ଦେହ ନିଦ୍ରା କ୍ଷୁଦା ତୃଷା ମୈଥୁନ୍ୟରେ ସଦା ନିବାସ ହେ ଗୋବିନ୍ଦ ସଦା ମୋ ନୟନ ପଥେ ରୁହ

ଯେଉଁ ଗୃହେ ଥାଏ ସ୍ନେହଁ ସହାନୁଭୂତି

ଯେଉଁ ଗୃହେ ଥାଏ ସ୍ନେହଁ ସହାନୁଭୂତି ସେହି ଗୃହ ବୋଲାଏ ଆନନ୍ଦ ସଦନ ଯେଉଁ ସ୍ଥାନେ ହୁଏ ରାମ ନାମ ଜପ ସେହି ସ୍ଥାନେ ନାଚେ ଅଞ୍ଜନା ନନ୍ଦନ

ତୋର ଭକତଙ୍କ ଭକତି ଦେଖିରେ କାଳିଆ

ତୋର ଭକତଙ୍କ ଭକତି ଦେଖିରେ କାଳିଆ କାଳିଆ ମରମରେ ସରମରେ ଗଲିଣି ମରି ଯେତିକି ଆଣିଥିଲି ଭକତି ସେ ଅତି ଅଳପ କାଳିଆ ବାଇଶି ପାହାଚରୁ ଯାଉଛି ଫେରି

ଆହାଃ କେଡେ ଉଦାର ସେ ମୁଖ କମଳ

ଆହାଃ କେଡେ ଉଦାର ସେ ମୁଖ କମଳ ଆହାଃ କେଡେ ମଧୁର ସେ କମଳ ଚାଲି ଆହାଃ କେଡେ ଅତି ମହା ବୈଷ୍ଣବ ରୂପ ଆହାଃ କେଡେ ସେହି କୋକିଳ ବୋଲି

ତୋହର ଭକତ ଅଗଣାରେ ଅଳିଆ ହେଲି

ତୋହର ଭକତ ଅଗଣାରେ ଅଳିଆ ହେଲି ତୋର ଅମୃତ ନାମ କର୍ଣ୍ଣକୁ ହେଲା ସୁଲଭ ଆରତୀ ବେଳେ ଦେଖିଲି ମଧୁର ଗୋବିନ୍ଦ ଯାହା ମନ ବୁଦ୍ଧି ଚର୍ମ ଚକ୍ଷୁକୁ ଅତି ଦୁର୍ଲଭ

ମାଆ ଥିଲେ ତୋହର ପଶରା ଭରିଥାନ୍ତା ମା

ମାଆ ଥିଲେ ତୋହର ପଶରା ଭରିଥାନ୍ତା ମା କୁଙ୍କୁମ ଶାଢ଼ୀ ସିନ୍ଦୁର ଦୁଧ ନାଲି ମନ୍ଦାରରେ ବୈତରଣୀ ବାଲିରେ ପୋତିଦେଇ ଆସିଛି ମା ଚଣ୍ଡୀ ଗୋ ରକ୍ଷ ଏହି ଭଵ ଅନ୍ଧାରରେ

ବଡ ମାଆଟି ମୋହର ରାଜ ରାଜେଶ୍ୱରୀ

ବଡ ମାଆଟି ମୋହର ରାଜ ରାଜେଶ୍ୱରୀ ମାଆର ମାଆଟି ମୋର ଅଷ୍ଟ ଚକ୍ରେଶ୍ୱରୀ ମୋ ମାଆର ଭାଇଟି ସ୍ୱୟଂ କୃଷ୍ଣ କେଶବ ଭାବିଲେ ମହାଭାବରେ ଲୁହ ପଡେ ଝରି

ଡାକଟିଏ ଠାରୁ ଆହୁରି ଅତି ନିକଟରେ ତୁହି

ଡାକଟିଏ ଠାରୁ ଆହୁରି ଅତି ନିକଟରେ ତୁହି ଅତି ସ୍ଵଛ କାନ୍ଥ ଆରପାଖରେ ତୋହର ଘର ମା ବାପ ଛେଉଣ୍ଡକୁ ସାହା ହେବୁ ବଡ ମାଆ ମାଆ ଗୋ ଶିରରେ ହାତ ରଖିଥିବୁ ତୋର

ଶୁଆ କହେ ଶ୍ରୀରାଧା ମୋର ମୃଗ ନାଭି କସ୍ତୁରୀ

ଶୁଆ କହେ ଶ୍ରୀରାଧା ମୋର ମୃଗ ନାଭି କସ୍ତୁରୀ ଶାରୀ କହେ ଶ୍ରୀଗୋବିନ୍ଦ ମୋର ଜଗତ ବନ୍ଦନ ଶୁଆ ଶାରୀ ମିଶି କଣ୍ଠରେ କଣ୍ଠରେ ମିଳାଇଲେ ବୈଷ୍ଣବ ହୃଦୟରେ ଲାଗିଲା ଶୀତଳ ହରିଚନ୍ଦନ

ଶୁଆ କହେ ଗୋବିନ୍ଦ ମୋ ମନ ମୋହନ

ଶୁଆ କହେ ଗୋବିନ୍ଦ ମୋ ମନ ମୋହନ ଶାରୀ କହେ ଶ୍ରୀରାଧା ମୋ ହୃଦୟ ଚନ୍ଦନ ଆରେ ଦୁହେଁ ମିଶି ଏକ ସମୟେ କହିବା ରାଧା ମୋହନଙ୍କ ହେବ ଆରତୀ ବନ୍ଦନ

ଡାକଟିଏ ଦୂରରେ ତୁମ୍ଭେ ହେ ଗୋବିନ୍ଦ

ଡାକଟିଏ ଦୂରରେ ତୁମ୍ଭେ ହେ ଗୋବିନ୍ଦ ହେ ଗୋବିନ୍ଦ କାଚ କାନ୍ଥ ଆରପାଖରେ ହୃଦୟ ପଦ୍ମରେ ତୁମ୍ଭେ ମୋହନ ମୂରତି ତୁମ୍ଭର କେଡେ କପଟ ପୁଣ୍ଡରୀକାକ୍ଷରେ

ବୋଉ ଥିଲା କପାଳରେ କଜଳ ଠୋପା

ବୋଉ ଥିଲା କପାଳରେ କଜଳ ଠୋପା ବାପ ଥିଲା ମୋ ଖଳାରେ ଧାନ ଵଦାରୀ କାଳ କରାଳ ଛଡାଇ ଦେଲା ମହାଦୁଖଃ ତ୍ରାହି ତ୍ରାହି ତ୍ରାହି ହେ ଅହଲ୍ୟା ଉଦ୍ଧାରୀ

ନନ୍ଦରାଣୀକୁ ମୁଖ ଗହ୍ୱରରେ ଦେଖାଇଲୁ ବିଶ୍ଵରୂପ

ନନ୍ଦରାଣୀକୁ ମୁଖ ଗହ୍ୱରରେ ଦେଖାଇଲୁ ବିଶ୍ଵରୂପ ସୁଭଦ୍ରା ପତିକୁ ବିଶ୍ଵରୂପ ଦେଖାଇଲୁ କୁରୁକ୍ଷେତ୍ରରେ ହିରଣ୍ୟକଶିପୁ ପୁତ୍ରକୁ ସମ୍ଭରେ ଦେହାଇଲୁ ବିଶ୍ଵରୂପ କଂସ ପିତାକୁ ବିଶ୍ଵରୂପ ଦେଖାଇଲୁ ଉଆଁସ ରାତ୍ରିରେ

ଚାନ୍ଦ ପୂଜା କରି କାନ୍ତକୁ ଲଭିଲି

ଚାନ୍ଦ ପୂଜା କରି କାନ୍ତକୁ ଲଭିଲି ସୂର୍ଯ୍ୟ ପୂଜା କରି ପାଇଲି କାନ୍ତି ରାଧାଷ୍ଟମୀ କରି କୃଷ୍ଣ ପାଇଲି ବଂଶୀ ଧ୍ୱନି ଶୁଣି ହୃଦୟ ଶାନ୍ତି

ସାଧୁ ବୈଷ୍ଣବମାନଙ୍କର କଥାକୁ କର୍ଣ୍ଣ ନୟନ ପାତିଲି

ସାଧୁ ବୈଷ୍ଣବମାନଙ୍କର କଥାକୁ କର୍ଣ୍ଣ ନୟନ ପାତିଲି ହୃଦୟ ପଦ୍ମ କେଶରରେ ଚିନ୍ତାକାଲି ଶ୍ରୀଗୋବିନ୍ଦ ରୂପ ଶ୍ରୀରାଧା ମାଧବ ରୂପ ଦର୍ଶନ ମୋ ଭାଗ୍ୟରେ ନାହିଁ ଦେହ ପଞ୍ଜୁରୀରେ ମନ ଶାରୀ କରି ନାହିଁ ନାମ ଜପ

ତୁମ୍ଭ ମଧୁର ମୋହନ ରୂପ ହେଲା ସାତ ସପନ

ତୁମ୍ଭ ମଧୁର ମୋହନ ରୂପ ହେଲା ସାତ ସପନ ଗୋବିନ୍ଦହେ ତୋର ଭକତ ଅଗଣା ଓଳେଇଲି ତୁମ୍ଭ ମଧୁରାତି ବଂଶୀ ସ୍ଵନ ହେଲା ସାତ ସପନ ଗୋବିନ୍ଦ ହେ ଶ୍ରୀରାଧାଙ୍କ ପାଦରେ ଶରଣ ଗଲି

ପିତା ମାତାଙ୍କୁ ପୁଣ୍ୟତୋୟା ବୈତରଣୀରେ ପୋତିଲି

ପିତା ମାତାଙ୍କୁ ପୁଣ୍ୟତୋୟା ବୈତରଣୀରେ ପୋତିଲି ମାଆ ଗୋ ବିରଜା ମାଆ ରଖିବୁ କୋଳରେ ସାଇତି ମୋ ଲାଗି ଖଣ୍ଡେ ଶେଜ ବିଛେଇଥୁବୁ ମାଆ ବିରଜା ମା ତୋ କୋଳକୁ ଫେରୁଛି ଫେରାଇ ପଟା ପାଉତି

ମାଆ ହୋଇଣ କେମିତି ବାନ୍ଧିଲୁ ଖୁଆ ଦଉଡ଼ିରେ

ମାଆ ହୋଇଣ କେମିତି ବାନ୍ଧିଲୁ ଖୁଆ ଦଉଡ଼ିରେ ମାଆ ଗୋ ସେହି ପରା ମଧୁର ମୋହନ ଗୋବିନ୍ଦ ଏହି ପତିତକୁ ହେଲେ ଦେଇ ଥାଆନ୍ତୁ ମାଆ ଚଣ୍ଡୀ ସୁଧାରି ଥାଆନ୍ତି ଶୁଣାଇ ଶୁଣାଇ ଶ୍ରୀଗୀତଗୋବିନ୍ଦ

ଚନ୍ଦନ ଚର୍ଚ୍ଚିତ କପୋଳ ଭୃଲତା ମଝିରେ ଠିଆ ଚିତ୍ତା

ଚନ୍ଦନ ଚର୍ଚ୍ଚିତ କପୋଳ ଭୃଲତା ମଝିରେ ଠିଆ ଚିତ୍ତା ଏଡ଼େ ବଡ ଠାକୁରଙ୍କ କପାଳକୁ କାହା ହାତ ପାଇଲା ମନକୁ କଲା ଚନ୍ଦନ କାଠ ହୃଦୟକୁ କଲା ଚନ୍ଦନ ପେଡି ସେ ମହା ବୈଷ୍ଣବ ପାଦରେ ଚିତ୍ତ ନିରନ୍ତର ରହିଲା

ଶୁଭ ଜନ୍ମଦିନ

ଜଗନ୍ନାଥଙ୍କୁ ପ୍ରାଥନା କଲି କନ୍ୟା ସନ୍ତାନଟିଏ ବାସନ୍ତୀ ଦୁର୍ଗା ଅଷ୍ଟମୀ ଭୂମିଷ୍ଠ ହେଲେ ଦୁର୍ଗା ଅଳି ଗାଳି ସବୁ ସହେ ମୋର ଭାଗ୍ୟ ଲକ୍ଷ୍ମୀ ମୋ ଲାଗି ଧର୍ମ ଅର୍ଥ କାମ ମୋକ୍ଷ ଅପବର୍ଗା

ଅତିବ ଚିକ୍କଣ ଦେହ କଳା ମୁଗୁନି ପଥର

ଅତିବ ଚିକ୍କଣ ଦେହ କଳା ମୁଗୁନି ପଥର ମୋ କଳା ହୀରା ରବି ପୁଞ୍ଜ ବଳି ତେଜ ସିରିଆ ପଣତରେ କାନିରେ ତୋ ସୁଖ ମୋ ଦରଦୀ ବନ୍ଧୁ ଖବର ପାଇଲି ଆଜ

ବଡ ପଣ୍ଡା ଜଣେ ମୋ ସ୍ୱପ୍ନରେ ଆସିଥିଲେ

ବଡ ପଣ୍ଡା ଜଣେ ମୋ ସ୍ୱପ୍ନରେ ଆସିଥିଲେ ପିନ୍ଧିଥିଲେ ବଗ ଧଳା ଧୋତି ଆଉ ଚାଦର ତାଙ୍କର କପାଳରେ ଚିତ୍ତା କାନ୍ଧରେ ପଇତା କେଡେ ଭାଗ୍ୟ କେଡେ କଲେ ସିଏ ଆଦର

ତୁମ୍ଭର ପ୍ରତିଟି ନାମ ହେଲେ କୋସ୍ତଭ ମଣି

ତୁମ୍ଭର ପ୍ରତିଟି ନାମ ହେଲେ କୋସ୍ତଭ ମଣି ହେ ଗୋବିନ୍ଦ ମୋ ଲୋଭୀ ମନ ଏକ ମୁଣି ତୁମ୍ଭର କିଞ୍ଚିତ କୃପା ହେଲେ ହେ କୃପାସିନ୍ଧୁ ହେ ଗୋବିନ୍ଦ ଯତ୍ନେ ଏକ ଏକ ଭରିବି ଗଣି

ଓଁ ଶ୍ରୀଗୋବିନ୍ଦ ଓଁ ଶ୍ରୀଗୋବିନ୍ଦ ଓଁ ଶ୍ରୀଗୋବିନ୍ଦ ଓଁ ଶ୍ରୀଗୋବିନ୍ଦ

ଓଁ ଶ୍ରୀଗୋବିନ୍ଦ ଓଁ ଶ୍ରୀଗୋବିନ୍ଦ ଓଁ ଶ୍ରୀଗୋବିନ୍ଦ ଓଁ ଶ୍ରୀଗୋବିନ୍ଦ ବିଶ୍ୱ ପିତା ହେ ଗ୍ରହଣ କର ଜୀବର ଭକ୍ତି ଛଣା ପୀୟୂଷ ମଣି ଓଁ ରାଧାରାଣୀ ଓଁ ରାଧାରାଣୀ ଓଁ ରାଧାରାଣୀ ଓଁ ରାଧାରାଣୀ ବିଶ୍ୱ ମାତା ଗୋ ଗ୍ରହଣ କର ଜୀବର ଭକ୍ତି ଦୋଷ ସର୍ବ ଛାଣି

ଗୋବିନ୍ଦ ଗୋବିନ୍ଦ ଗୋବିନ୍ଦ ଗୋବିନ୍ଦ

ଗୋବିନ୍ଦ ଗୋବିନ୍ଦ ଗୋବିନ୍ଦ ଗୋବିନ୍ଦ ଆଖିରେ ଜିଭରେ କଣ୍ଠରେ ଥୋଇଲି ଗୋବିନ୍ଦ ଗୋବିନ୍ଦ ଗୋବିନ୍ଦ ଗୋବିନ୍ଦ ହୃଦୟ ପଦ୍ମରେ ବସ ବୋଲି କହିଲି

ଜନକ ଜନନୀ ଦୁହେଁ ପର ଲୋକ ଗଲେ

ଜନକ ଜନନୀ ଦୁହେଁ ପର ଲୋକ ଗଲେ ଗୋବିନ୍ଦ ହେ ସଂସାରରେ ଅନାଥ ହେଲି ତୁମ୍ଭ ଦର୍ଶନ ହେଲା ମୋତେ ସାତ ସପନ ଗୋବିନ୍ଦ ହେ ତୋ ନାମକୁ ଭରସା କଲି

ବାପାଙ୍କ ଆଶ୍ରିବାଦ ସଦ୍ୟ ପ୍ରସ୍ଫୁଟିତ ପଦ୍ମ

ବାପାଙ୍କ ଆଶ୍ରିବାଦ ସଦ୍ୟ ପ୍ରସ୍ଫୁଟିତ ପଦ୍ମ ବୋଉର ପଣତ କାନିଟି ବ୍ରହ୍ମଦାରୁର ଛାଇ ବାପା ବୋଉ ହୋଇଲେ ପୂଣ୍ୟ ବୈତରଣୀ ମନ କହେ ପହଁରି କୋଳରେ ବସନ୍ତି ଯାଇ

ସକଳ ବେଦରେ ଯାହାର ଯଶକୁ ପୃଷ୍ଠା ନିଅଣ୍ଟ

ସକଳ ବେଦରେ ଯାହାର ଯଶକୁ ପୃଷ୍ଠା ନିଅଣ୍ଟ ବୈଷ୍ଣବ ଭାବରେ ହୃଦୟ ପଦ୍ମରେ ଥୋଇଲେ ସକଳ ବିଭୁତି କେମିତି ଅଧା ଗଢ଼ାରେ ସୀମିତ ମୋହର ଭାବ ଅଣାୟତ ଗୋବିନ୍ଦଙ୍କୁ ଚିନ୍ତିଲେ

ତୁମ୍ଭ ଭକ୍ତଙ୍କ ସଙ୍ଗେ କଥା ହୋଇ ଲଭିଲି ଆନନ୍ଦ

ତୁମ୍ଭ ଭକ୍ତଙ୍କ ସଙ୍ଗେ କଥା ହୋଇ ଲଭିଲି ଆନନ୍ଦ ତୁମ୍ଭ ଲୀଳାମୃତ ପାନ କଲି ମେଣ୍ଟିଲା ସକଳ ତୃଷା ତୁମ୍ଭ ବ୍ରହ୍ମଦାରୁ ଶାଖାରେ ବିଶ୍ରାମ ଅତୀବ ସୁନିଦ୍ରା ତୁମ୍ଭଙ୍କୁ ଥରୁଟିଏ ଏ ଆଖି ଦେଖନ୍ତା ଏତିକି ଆଶା

ବିଜୟା ଦଶମୀ

ରାମ ରାମ ରାମ ରାମ ରାମ ରାମ ରାମ ରାମ ରାମ ରାମ ଯୁଗ ଯୁଗ ଜପି ଜପି ମହାଦେବ କୋକିଳ ହେଲେ ଅବଧୂତ ଅବଧୂତ ଜଟାରୁ ଝରିଲା ମହା ପତିତ ପାବନୀ ଗଙ୍ଗା ଝର ଗଙ୍ଗା ଝରରେ ସ୍ନାନ କରି ସଚରାଚର ହେଲେ ମହାପୂତ [୧] ରାମ ରାମ ରାମ ରାମ ରାମ ରାମ ରାମ ରାମ ରାମ ରାମ ଯୁଗ ଯୁଗ ଜପି ଜପି ଦସ୍ୟୁ ରତ୍ନାକର ହେଲେ ଋଷି ବାଲ୍ମୀକି ଋଷି ବାଲ୍ମୀକି କୋକିଳ ରଚିଲେ ମହା କଥାମୃତ ରାମାୟଣ ରାମାୟଣ ମହାପାରାୟଣ ଦାରୁଣ ସମନ ନ ପାରଇ ଠକି [୨] ରାମ ରାମ ରାମ ରାମ ରାମ ରାମ ରାମ ରାମ ରାମ ରାମ ଯୁଗ ଯୁଗ ଜପି ଜପି ଆଞ୍ଜେନେୟ ହୋଇଲେ ଦାସ୍ୟ ଭକ୍ତ ଦାସ୍ୟ ଭକ୍ତ ହୃଦୟ ପଦ୍ମରେ ସଦା ବିରାଜ କଲେ ଦାଶରଥି ଦାଶରଥି ଦର୍ଶନ କରି ଅଖିଳ ବିଶ୍ୱ ହେଲେ ଧର୍ମ ପଥ ଯୁକ୍ତ [୩] ଶ୍ରୀରାମ ରାମ ରାମ ରାମେତି ରାମେ ରାମେ ମନୋରମେ ସହସ୍ର ନାମ ତତୁଲ୍ୟମ ରାମ ରାମ ରାମ ନାମ ବରାନନେ ରାମ ରାମ ରାମ ରାମ ରାମ ରାମ ରାମ ରାମ ରାମ ରାମ ମାଆ ଗୋ ଦୁର୍ଗା ତୃଷା ବୁଝାଇଲୁ ରାମ ନାମ ସୁଧା ପାନେ [୪]

ଶିବ ଭଜେ ରାମ ନାମ ହେ ହରି ନାମ ସତ୍ୟ ହେ

ଶିବ ଭଜେ ରାମ ନାମ ହେ ହରି ନାମ ସତ୍ୟ ହେ ଶବ ଯାଏ କୋକେଇରେ ଚଢି ପୁଣ୍ୟ ବୈତରଣୀ ସାରା ଜୀବନ ଏକାଠି ରହିଲେ ହରି ହରି ବୋଲ ଆଖି ଆଗରେ ଭାସି ଯାଉଥିଲା ଜୀବନ କାହାଣୀ

ରାମ ନବମୀ

ରାମ ରାମ ରାମ ରାମ ରାମ ରାମ ରାମ ରାମ ରାମ ଯୁଗ ଯୁଗ ଜପି ଜପି ଶିବ କୋକିଳ ହେଲେ ଅବଧୂତ ଅବଧୂତ ଜଟାରୁ ଝରିଲା ମହା ପତିତ ପାବନୀ ଗଙ୍ଗା ଗଙ୍ଗା ଜଳେ ସ୍ନାନରେ ସଚରାଚର ହେଲା ମହାପୂତ [୧] ରାମ ରାମ ରାମ ରାମ ରାମ ରାମ ରାମ ରାମ ରାମ ଯୁଗ ଯୁଗ ଜପି ଜପି ରତ୍ନାକର ହେଲେ ଋଷି ବାଲ୍ମୀକି ଋଷି ବାଲ୍ମୀକି କୋକିଳ ରଚିଲେ କଥାମୃତ ରାମାୟଣ ରାମାୟଣ ଶ୍ରବଣରେ ପାପ ନାଶନ ଯାହା ଥିଲା ବାକି [୨] ରାମ ରାମ ରାମ ରାମ ରାମ ରାମ ରାମ ରାମ ରାମ ଯୁଗ ଯୁଗ ଜପି ଜପି ମାରୁତି ହୋଇଲେ ଦାସ୍ୟ ଭକ୍ତ ଦାସ୍ୟ ଭକ୍ତ ହୃଦୟେ ସଦା ବିରାଜ କଲେ ଦାଶରଥି ଦାଶରଥି ଦର୍ଶନେ ଅଖିଳ ନିଖିଳ ହେଲା ପାପ ମୁକ୍ତ [୩]

ଯାହା ଲାଗି ଦେଖିଲି ସକାଳ ସୂର୍ଯ୍ୟ

ଯାହା ଲାଗି ଦେଖିଲି ସକାଳ ସୂର୍ଯ୍ୟ ଯାହା ଆଙ୍ଗୁଠିରେ ମୁଁ ଚିହ୍ନିଲି ଜହ୍ନକୁ ସେ ହିଁ ସକଳ ଅବତାରର ଜନନୀ ସେହି ମା ପାଦରେ ରଖିଲି ମନକୁ

ନୟନକୁ ଅଭିରାମ କର୍ଣ୍ଣକୁ ସୁଧା ଆତ୍ମାକୁ ଆତ୍ମାରାମ

ନୟନକୁ ଅଭିରାମ କର୍ଣ୍ଣକୁ ସୁଧା ଆତ୍ମାକୁ ଆତ୍ମାରାମ ରାମ ନାମ ଜପରେ ଶିବ କୋକିଳ ହେଲେ ଅବଧୂତ ଅବଧୂତ ଜଟାରୁ ଝରିଲା ମହା ପାବନୀ ଗଙ୍ଗା ଝର ଗଙ୍ଗା ଝର ପାନ କରି ସଚରାଚର ଲଭିଲା ଅମୃତ