ନାଗ ଶୟନେ କେତେ ଶୋଇବ ହେ ଲକ୍ଷ୍ମୀ ପତି

ନାଗ ଶୟନରେ ଗଡ଼ ଘାଲି କେତେ ନିଦ୍ରା ଯିବ ସୂର୍ଯ୍ୟ ଶଶୀ ଚକ୍ଷୁ ଦୃଷ୍ଟି ଲଭିଲେ ହେବି ପବିତ୍ର ନର ନାରାୟଣ ପତିତ ପାବନ ଆରତ୍ତ ନାଶନ ଛନ୍ଦା ଚରଣେ ମୋତେ ରଖ ମୁଁ ନାଗସ୍ୟ ଗୋତ୍ର

ଅର୍ଜୁନ ସଖା ହେବେ କି ସଦୟ

ଅର୍ଜୁନ ସଖା ହେବେ କି ସଦୟ ସତ୍ତ୍ୱ ବୁଦ୍ଧି କି ହୋଇବ ଉଦୟ ଛନ୍ଦା ଚରଣ ପାପି ଶିର ଛୁଇଁବ ସଂସାରୁ ନେବା ଆଗରୁ ବିଦାୟ

ରୂପ ରସ ବାସ ଭରା ଏହି ଜୀବନ ଦିବ୍ୟ କମଳ

ରୂପ ରସ ବାସ ଭରା ଏହି ଜୀବନ ଦିବ୍ୟ କମଳ ବିକାର ଦଳା ଚକଟାରେ ହେଲା ସମ୍ପୂର୍ଣ୍ଣ ଶ୍ରୀହୀନ ବିନତା ସୁତ ପଛରେ ପୁଷ୍ପାଞ୍ଜଳି ବାଢ଼ିଲା ବେଳକୁ କେବଳ ଅନୁତାପରେ ପୂରିତ ଲୋତକ ନୟନ

ଗୋବିନ୍ଦଙ୍କର ସୁଵିଚାରରୁ

ଗୋବିନ୍ଦଙ୍କର ସୁଵିଚାରରୁ ଦୁର୍ଲଭ ମନୁଷ୍ୟ ଜନ୍ମ ପ୍ରସାଦ ବାସୁଦେବଙ୍କ ଛନ୍ଦା ଚରଣରେ ମହାଯାତ୍ରା ହେଉ ଶେଷ ଦକ୍ଷିଣାୟନେ କାଳ ଯମ ରଜୁ ବାନ୍ଧି ନେଉଥିବ ପାପିକୁ ପହଣ୍ଡି ବିଜୟ ଶୋଭାକୁ ଲକ୍ଷି ଅନ୍ତରରେ ଉକୁଟୁ ହସ

ଆତ୍ମା ସେବାରେ ସର୍ବଦା ବ୍ୟସ୍ଥ

ଆତ୍ମା ସେବାରେ ସର୍ବଦା ବ୍ୟସ୍ଥ ଅତି ଆରତ୍ତରେ ଡାକିଲେ ଶୁଣୁ କମଳା ସେବିତ ଚରଣକୁ ଆଶା କେବେ ଶୁଭିବ ମୋହନ ବେଣୁ

ମୋ ଧାଇଁବାର ବେଗ ଅଧାଗଢା

ମୋ ଧାଇଁବାର ବେଗ ଅଧାଗଢା ସେଥିଲାଗି ସଧୀର ଆତ୍ମାର ଗତି ମୋ ହୃଦୟରେ ସଦା ବାସୁଦେବ ସେଲାଗି ଶ୍ରୀକୃଷ୍ଣେ ସମର୍ପିତ ମତି

ମୋ ହୃଦ କମଳ କେଶରରେ

ମୋ ହୃଦ କମଳ କେଶରରେ ଆସୀନ ହେବ ଆଉ କେଉଁଠି ମନ ଲାଗିଲେ ହେ ବାସୁଦେବ ଶ୍ରୀଜଗନ୍ନାଥ ଭାଗବତ ପଢି ଶୁଣେଇବି ପ୍ରଭୁ ନିର୍ଗୁଣ ବ୍ରହ୍ମ ଶୁନ୍ୟ ଦେହୀ ରୋମାଞ୍ଚିତ ହେବ

ଶ୍ରୀଜଗନ୍ନାଥଙ୍କର ଅତିବ ପ୍ରିୟ ସଂସାରୀ

ଶ୍ରୀଜଗନ୍ନାଥଙ୍କର ଅତିବ ପ୍ରିୟ ସଂସାରୀ ନବଧା ଭକ୍ତିରେ ଲାଭ କରେ ଗୋବିନ୍ଦ ନିଷ୍କାମ ପ୍ରେମରେ ଲଭଇ ଛନ୍ଦା ଚରଣ ଇନ୍ଦ୍ରିୟ ବିକାର ତେଜି ଲଭେ ବ୍ରହ୍ମାନନ୍ଦ

ଆହାଃ କି ସୁନ୍ଦର ପହଣ୍ଡି ବିଜୟ ବେଶ

ଆହାଃ କି ସୁନ୍ଦର ପହଣ୍ଡି ବିଜୟ ବେଶ ଅଧରେ ମୋହନ ମୁରଲୀ ଆନନ୍ଦ କନ୍ଦା ଶିରରେ ନଭସ୍ଚୁମ୍ଭି ଟାହିଆ ଭକତ ମାଳ ଅଧାଗଢା ଚରଣରେ ମୋର ଆତ୍ମା ଛନ୍ଦା

ଦୂରରେ ଥିଲେ ମୋର ଭାରି ମନରେ ପଡେ

ଦୂରରେ ଥିଲେ ମୋର ଭାରି ମନରେ ପଡେ ନିକଟ ହେଲେ ବନ୍ଦ ମୋ ସକଳ କାମ ଧନ୍ଦା କୃଷ୍ଣ ସାଲୋକ୍ୟ ସାମିପ୍ୟ ସାଜୁଯ୍ୟ କୈବଲ୍ୟ ଚାଖିବାକୁ ମୁହିଁ ଅତିବ ପାଗଳ ଗୁଡ଼ିଆ ଜନ୍ଦା

ଚକାଡ଼ୋଳାରେ ଆଖି ମିଳିଲେ

ଚକାଡ଼ୋଳାରେ ଆଖି ମିଳିଲେ ମୋର ଜୀବନରେ ବ୍ରହ୍ମ ମୁହୂର୍ତ୍ତ ତ୍ରାହି ହେ ଅଧାଗଢା ଛନ୍ଦା ପାଦ ଶୁଦ୍ର ପାପ ଆଚରଣେ କୈବର୍ତ୍ତ

ସିଂହଦ୍ୱାରରେ ଅଧିଆ ପଡିଛି ଛେଉଣ୍ଡଟିଏ

ସିଂହଦ୍ୱାରରେ ଅଧିଆ ପଡିଛି ଛେଉଣ୍ଡଟିଏ ମାଆ ଲକ୍ଷ୍ମୀ ଠାକୁରାଣୀ ଦିଅ ମୁଠାଏ ଭିକ କମଳା ସେବିତ ଚରଣ ଧୂଳି ମୋ ବାସନା ଜଗନ୍ନାଥ ଘରଣୀ ଦିଅ ମା ବୈଷ୍ଣବ ଭେକ

ପିତାରୁ ଫାଳେ ମାତାରୁ ଫାଳେ ଯୋଡି

ପିତାରୁ ଫାଳେ ମାତାରୁ ଫାଳେ ଯୋଡି ପ୍ରଜାପତି ଏହି ପିଣ୍ଡକୁ କରିଲେ ସମ୍ପୂର୍ଣ୍ଣ ନିରନ୍ତର ଝୁରି ମରେ ଶ୍ରୀଛନ୍ଦା ଚରଣକୁ ଇନ୍ଦ୍ରିୟ ଭୋଗରେ ମୋ ବାସନା ଅପୂର୍ଣ୍ଣ

ପାପ ପ୍ରାରବ୍ଧରୁ ମୋର ଜାତ ଶୁଦ୍ର କୂଳରେ

ପାପ ପ୍ରାରବ୍ଧରୁ ମୋର ଜାତ ଶୁଦ୍ର କୂଳରେ ମାଆ ଗୋ କମଳା ନ ଜାଣିଲି ବେଦ ଶାସ୍ତ୍ର କମଳା ସେବିତ ଚରଣ ଚିନ୍ତାରେ ମୋ ମନ ମା ମହାଲକ୍ଷ୍ମୀ ନ ଜାଣଇ ଅନ୍ୟ ଜପ ସୂତ୍ର

ଜାଣ ଅଜାଣତରେ ଅପରାଧ ହୋଇଥିଲେ ମାଆ

ଜାଣ ଅଜାଣତରେ ଅପରାଧ ହୋଇଥିଲେ ମାଆ ଅତି ଭକ୍ତ ବତ୍ସଳା ଶ୍ରୀଗୋବିନ୍ଦ ଲକ୍ଷ୍ମୀ କ୍ଷମା କର ବରାଭୟ କମଳ ହସ୍ତରେ ଆଶ୍ରିବାଦ କର ମାଆ ଅଧମ ସନ୍ତାନ କମଳ ଚରଣରେ ପଡ଼ିଅଛି ତୋର

ଅଖିଳ ଜନକ ଜଗନ୍ନାଥ ଯାଇଛନ୍ତି ମାଉସୀ ଘରଙ୍କୁ

ଅଖିଳ ଜନକ ଜଗନ୍ନାଥ ଯାଇଛନ୍ତି ମାଉସୀ ଘରଙ୍କୁ ବିଶ୍ୱ ଜନନୀ କମଳା କମଳ ଚରଣ କରେ ବନ୍ଦନା ଅତି ଉଲ୍ଲସିତ ହୁଅ ମାଆ ବିଷ୍ଣୁ ଘରଣୀ ମହାଲକ୍ଷ୍ମୀ ନୀଳାଦ୍ରିନାଥ ସହଳ ଫେରିବେ କର ନାହିଁ ଭାବନା

ଯେମିତି ବି ଅଧମ ଦିନ ବଞ୍ଚୁଛି

ଯେମିତି ବି ଅଧମ ଦିନ ବଞ୍ଚୁଛି ଚକାଡୋଳାର ଅପଲକ କରୁଣା ଥରେ ଆଖିରେ ଦେଖନ୍ତି ପ୍ରଭୁଙ୍କୁ ହେ ରୁକ୍ମଣୀ ହୃଦ ପାବନ ଚରଣା

ମହାବାହୁଙ୍କ ହୃଦରେ ଦୟା ପରିମାଣ ଦେଖି

ମହାବାହୁଙ୍କ ହୃଦରେ ଦୟା ପରିମାଣ ଦେଖି ମୋର ଆତ୍ମା ବିକିଦେଲି ଶ୍ରୀଛନ୍ଦା ପାଦରେ ଅଭାବ ଦେଖି ଚକାଡୋଳା ମୂଲ୍ୟ ଦେବ ହେ ଭରଷା ଦେଉଥିବ ଜୟ ଜଗନ୍ନାଥ ଶବ୍ଦରେ

ବୈଷ୍ଣବଙ୍କ ଦୁଆର ନିତି ଝାଡ଼ୁଦିଏ

ବୈଷ୍ଣବଙ୍କ ଦୁଆର ନିତି ଝାଡ଼ୁଦିଏ ଲଭିବାକୁ ବନମାଳିଙ୍କ ପାଦ ଧୂଳି ଚକାଡୋଳାରେ ଆଖିକୁ ମିଳେଇ ନିରନ୍ତର ମୁଁ କରୁଥାଏ ଏତିକି ଅଳି

ସାଲୋକ୍ୟ ସାମିପ୍ୟ ସାଜୁଯ୍ୟ ତିନିଟି

ସାଲୋକ୍ୟ ସାମିପ୍ୟ ସାଜୁଯ୍ୟ ତିନିଟି ସଂସାରର ଜଞ୍ଜାଳରୁ ବିମୁକ୍ତ ଇଲାକା ଲଭିବିକି ନର ଦେହେ ଜାଗା ଟିକେ ବୋଳିହୁଏ ବଡଦାଣ୍ଡ ଶ୍ରଦ୍ଧା ବାଲୁକା

କେଡେ ଆତ୍ମା ମୋହକ ତୁମ୍ଭ ଉଦାର ଚକାଡୋଳା

କେଡେ ଆତ୍ମା ମୋହକ ତୁମ୍ଭ ଉଦାର ଚକାଡୋଳା କେମିତି ନ ହୁଅନ୍ତା ଯାହା ହୃଦରେ ମା କମଳା ସଦା କେଡେ ଆତ୍ମା ମୋହକ ତୁମ୍ଭ ପତିତପାବନ ବାନା କେମିତି ନ ହୁଅନ୍ତା ଯାହାର ଶରଧା ବାଲିଲେ ସୁଧା

ସମସ୍ତଙ୍କ ଭଳି ମୁହିଁ ବି ଚକାଡ଼ୋଳାଙ୍କୁ ଚାହିଁ ଦେଲି

ସମସ୍ତଙ୍କ ଭଳି ମୁହିଁ ବି ଚକାଡ଼ୋଳାଙ୍କୁ ଚାହିଁ ଦେଲି ପ୍ରାଣ ସଖିରେ ଚିତ୍ତ ଆଉ ନ ଫେରାନ୍ତି ସେ ଶ୍ୟାମ ଛନ୍ଦା ଚରଣରେ ପଡି କେଡେ ଆକୁଳ ବିନତି କଲି ଆଞ୍ଜୁଳିରେ ଭରିଦେଲେ କେବଳ ନିଷ୍କାମ ପ୍ରେମ

ନିଳାଦ୍ରୀନାଥଙ୍କ ନିର୍ମଳ ଯଶ ଶୁଣି

ନିଳାଦ୍ରୀନାଥଙ୍କ ନିର୍ମଳ ଯଶ ଶୁଣି ଧାଇଁ ଆସିଥିଲି ନୀଳକନ୍ଦର କେବଳ ଦେଖିବି ବୋଲି କି ଚକାଆଖିଙ୍କୁ ଚର୍ମ ଚକ୍ଷୁରେ ଥରେ ବ୍ରହ୍ମଦାରୁ ଅଧାଗଢା ହୋଇବି କମଳ ଛନ୍ଦା ଚରଣରେ ବାନ୍ଧିଲ ତୁମ୍ଭ ଗଣ୍ଠି ମୋ ଭାବଠାରୁ ବଳିଲା ଆଉ ନ ଫେରିବି ସଂସାରେ

ନାରାୟଣଙ୍କର ଶଯ୍ୟା

ନାରାୟଣଙ୍କର ଶଯ୍ୟା ଆଉ ଛତ୍ର ହେ ଶେଷ ନାଗ ଇନ୍ଦ୍ରିୟ ବିକାର ମେଳେ ବୈକୁଣ୍ଠକୁ ଭୁଲିଗଲି ବାଟ ଗୋବିନ୍ଦ ଛନ୍ଦା ଚରଣ ମୋର ଲାଗି ଅଭୟ ନିବାସ ନାଗ ଆଗେ ଆଗେ ରାମ ପଛେ ପଛେ ସରିବ ହାଟ

ହେ ବ୍ରହ୍ମଦାରୁ ତୁମ୍ଭଙ୍କୁ କଲି ମୁଣ୍ଡ ତକିଆ

ହେ ବ୍ରହ୍ମଦାରୁ ତୁମ୍ଭଙ୍କୁ କଲି ମୁଣ୍ଡ ତକିଆ ତକିଆ ଭିତରେ ଭରିଅଛି ଜଞ୍ଜାଳ ତୁଳା ହେ ଲକ୍ଷ୍ମୀ ହୃଦୟ ତୁମ୍ଭେ ଅତି କୋମଳ ମଥାରେ ଦେଇ ଶୋଇଲି ଜୀବନ ଚଳା

ଇଚ୍ଛା ଶ୍ରୀଜଗନ୍ନାଥ ଶକ୍ତି

ଇଚ୍ଛା ଶ୍ରୀଜଗନ୍ନାଥ ଶକ୍ତି ମାଆ ସୁଭଦ୍ରା ବଳ ଶଙ୍କର୍ଷଣ ପ୍ରଭୁ ଶ୍ରୀପତି ଯୋଗ ନିଦ୍ରା

ବୃତ୍ତିରେ ଅର୍ଜୁନ ରଥ ସାରଥି

ବୃତ୍ତିରେ ଅର୍ଜୁନ ରଥ ସାରଥି କର୍ମରେ ଆର୍ତ୍ତତ୍ରାଣ ଚକ୍ରଧର ବିଚାରେ ସୂର୍ଯ୍ୟ ଶଶୀ ନୟନ ଆଚାରେ ଉଦାର ଲକ୍ଷ୍ମୀବର

କୃଷ୍ଣ ନାମ ସଂକୀର୍ତ୍ତନ ଯେତେ ମଧୁର

କୃଷ୍ଣ ନାମ ସଂକୀର୍ତ୍ତନ ଯେତେ ମଧୁର ସୃଷ୍ଟି ପାଳନ ନିମନ୍ତେ ନବଧା ଭକତି କୃଷ୍ଣ ରୂପ ଦର୍ଶନରେ ଯେତେ ଶୋଭା ବ୍ରହ୍ମଦାରୁ ପହଣ୍ଡି ବିଜୟ ବେଶ ଆକୃତି

ବିକାରଙ୍କୁ ଅତି ଦୁରେଇ ରଖିଲେ

ବିକାରଙ୍କୁ ଅତି ଦୁରେଇ ରଖିଲେ ଆତ୍ମା ସୁସ୍ପଷ୍ଟ ଦୃଶ ଶ୍ୟାମ ସୁନ୍ଦର ନର ସାଧିବା ଅତି ଦୁସାଦ୍ଧ କଠିନ ବ୍ରହ୍ମା ନ ବୁଝି ପାରନ୍ତି କୃଷ୍ଣ ହୁନ୍ଦର

ସଂସାରୀଟିଏ ହୋଇଗଲେ ଅତି ବିରକ୍ତ

ସଂସାରୀଟିଏ ହୋଇଗଲେ ଅତି ବିରକ୍ତ ଚକାଡୋଳା ଆଶ୍ରୟ ନାହିଁ ତିଳେ ଅସୂୟା କୋଟି ବିଶ୍ୱ ବ୍ରହ୍ମାଣ୍ଡ କର୍ତ୍ତା ହର୍ତ୍ତା ବିଧାତା ସର୍ବଜ୍ଞ ସକଳ ଅନୁଭବି ଜଞ୍ଜାଳ ବିଷୟା

ନିରନ୍ତର ହରିବଂଶ ଲୀଳାମୃତ ଶିବାଳୟରେ

ନିରନ୍ତର ହରିବଂଶ ଲୀଳାମୃତ ଶିବାଳୟରେ ପରମ ବୈଷ୍ଣବ ଗୌରୀ ଶଙ୍କର ନମୋ ନମଃ ସତ୍ତ୍ୱ ଗୁଣେ ବିଷ୍ଣୁ ରଜ ଗୁଣେ କୃଷ୍ଣ ତମେ ଶିବ ସଦା ଲୀଳା କୀର୍ତ୍ତନ ହରେ କୃଷ୍ଣ ହରେ ରାମ

ଶ୍ରୀବିଷ୍ଣୁ ବାହାନ କଶ୍ୟପ ସୁତ

ଶ୍ରୀବିଷ୍ଣୁ ବାହାନ କଶ୍ୟପ ସୁତ ଶ୍ରୀରାମ ଦୂତ ଅଞ୍ଜନା ନନ୍ଦନ କରୁଣା କଲେ ଭେଟି ପାରନ୍ତି ରୁକ୍ମଣୀ ହୃଦୟ ହରି ଚନ୍ଦନ

ମଙ୍ଗଳ ଅଳା ମଙ୍ଗଳା ମା ଦୁର୍ଗା

ମଙ୍ଗଳ ଅଳା ମଙ୍ଗଳା ମା ଦୁର୍ଗା ଶ୍ରୀଗୋବିନ୍ଦ ଆତ୍ମା ସହୋଦରୀ କୃଷ୍ଣକୁ କହିବୁ ରାମ ମନ କଥା ପଡିଅଛି ତୋ ପଦ୍ମ ପାଦ ଧରି

ସଦା ସର୍ବଦା ଝୁରିବା ମୋ କପାଳ ଲେଖା

ସଦା ସର୍ବଦା ଝୁରିବା ମୋ କପାଳ ଲେଖା ତାହା ସହିତ ସମ୍ପୂର୍ଣ୍ଣ ସମ୍ମତ ହସ୍ତର ରେଖା ଅଶେଷ ନିରାଶା ପରେ ମୁଁ ଗରୁଡ ପଛରେ ଛନ୍ଦା ଚରଣ ବଢ଼ାଇବେକି ଅର୍ଜୁନଙ୍କ ସଖା

ସଦା ସର୍ବଦା ବିରହ ମୋ କପାଳ ରେଖା

ସଦା ସର୍ବଦା ବିରହ ମୋ କପାଳ ରେଖା ତାହା ସହ ସମ୍ପୂର୍ଣ୍ଣ ସମ୍ମତ ହସ୍ତର ରେଖା ଅଶେଷ ନିରାଶା ପରେ ଗରୁଡ ପଛରେ ଛନ୍ଦା ଚରଣ ବଢ଼ାଇବେକି ଅର୍ଜୁନ ସଖା

ଆହାଃ କିବା ମହନୀ

ଆହାଃ କିବା ମହନୀ ଅଛି ତୁମ୍ଭ ଚକାଡ଼ୋଳାରେ ଜରାଜୀର୍ଣ୍ଣ ପାପୀ ରାମ ହେଲା ଦର୍ଶନରେ ବାୟା ଆହାଃ କେଉଁଠି ଥୋଇବି ଭାବୁକ ମନକୁ ମୋର ତ୍ରିଭଙ୍ଗ ଠାଣି କୃଷ୍ଣ ଛନ୍ଦା ଚରଣ ନ କଲେ ଦୟା

କେମିତି ହେବ ପାମର ରାମ ସମଦର୍ଶି

କେମିତି ହେବ ପାମର ରାମ ସମଦର୍ଶି ବିଷ୍ଣୁ ମୋହିନୀ ମାୟା ଦେଲଟି ପରଶି କେମିତି ଛୁଁଇବି ଗୋବିନ୍ଦ ଛନ୍ଦା ଚରଣ ଚକାଡ଼ୋଳାରୁ ଅମୃତ ନ ଗଲେ ବରଷି

ସୁଦାମା ସଖା ଲକ୍ଷ୍ମୀ ପ୍ରାଣ ବାସୁଦେବ

ସୁଦାମା ସଖା ଲକ୍ଷ୍ମୀ ପ୍ରାଣ ବାସୁଦେବ ସୁଗ୍ରୀବ ସଖା ଜାନକୀ ପ୍ରାଣ ଶ୍ରୀରାମ ଅର୍ଜୁନ ସଖା ରୁକ୍ମଣୀ ହୃଦୟ କେଶବ ବିପଦ ସଖା କମଳା ଆତ୍ମା ଦାରୁବ୍ରହ୍ମ

ଅକ୍ଷର ଅକ୍ଷର ଖୋଜିଲି

ଅକ୍ଷର ଅକ୍ଷର ଖୋଜିଲି ସୂର୍ଯ୍ୟ ଶଶୀ ଚକ୍ଷୁ ଚକାଡୋଳାର କିଛି ଅଂଶ ଶବ୍ଦ ଶବ୍ଦ କୋଷ ଖୋଜିଲି ଗଦ୍ୟ ପଦ୍ୟରେ ବ୍ରହ୍ମଦାରୁ ପରମ ହଂସ ଭୁତ ଭୂତ ହୃଦୟ କମଳ କେଶର ଖୋଜିଲି ରୁକ୍ମଣୀ ଆତ୍ମା କେଶବ ତୀର୍ଥ ତୀର୍ଥ ନୀଳକନ୍ଦର ଖୋଜିଲି ଲଭିବିକି ଛନ୍ଦା ଚରଣ ମନ କଂସ

ଅଧାଗଢା ବିଶାଳ ବକ୍ଷ ମହାବାହୁ ଚକାଡୋଳା

ଅଧାଗଢା ବିଶାଳ ବକ୍ଷ ମହାବାହୁ ଚକାଡୋଳା ବ୍ରହ୍ମଦାରୁ ଚତୃର୍ଦ୍ଧା ଚଳନ୍ତି ସଚ୍ଚିଦାନନ୍ଦ ଗୋବିନ୍ଦ ପୂର୍ଣ୍ଣବ୍ରହ୍ମ ସୂର୍ଯ୍ୟ ଶଶି ଚକ୍ଷୁ ଚକାଆଖି ଲକ୍ଷ୍ମୀକାନ୍ତ ଶରଧା ବାଲି ରେଣୁ ରେଣୁରେ ଲୀଳା ବ୍ରହ୍ମାନନ୍ଦ

ଆପଣା ମଣିଷକୁ ପାଖରେ ପାଇଲେ

ଆପଣା ମଣିଷକୁ ପାଖରେ ପାଇଲେ ଜୀବନ ଭୁଲିଯାଏ ଅତୀତ ସକଳ କ୍ଲାନ୍ତି ଚକାଡୋଳାଙ୍କ ଛନ୍ଦା ପାଦ ଛୁଇଁଦେଲେ ସର୍ବ ଜଞ୍ଜାଳରୁ ମୁକ୍ତି ଶାନ୍ତି ପରମ ଶାନ୍ତି

ସଂସାରରେ ଦେହ ଧରିଲେ ମରିବାକୁ ହୁଏ

ସଂସାରରେ ଦେହ ଧରିଲେ ମରିବାକୁ ହୁଏ ଚକାଡୋଳା ଆତ୍ମା ନିରନ୍ତର ଝୁରିବାକୁ ହୁଏ ମରିବା ଝୁରିବା ଉଭୟ ନିରାଟ ଧ୍ରୁବ ସତ୍ୟ ଜୀବନ ହୁଏ ଉତ୍ସବ ଯଦି ଛନ୍ଦା ଚରଣ ଛୁଏଁ

ଚକାଡୋଳାଙ୍କ କଳା ଲାଗି କାଳିଆ ହେଲି

ଚକାଡୋଳାଙ୍କ କଳା ଲାଗି କାଳିଆ ହେଲି ଆଉ ସଂସାରକୁ ମୁହିଁ ନ ପାରଇ ବାହାରି ଚନ୍ଦନ ଅର୍ଗଳୀରେ ବସିଛି ଧରି ଲେଖନୀ ହୃଦରେ କିଛି ଭାବ ଦିଅ ହେ ବଂଶିଧାରୀ

ନବଧା ଭକ୍ତିରେ ଜୀବକୁ ଛନ୍ଦି

ନବଧା ଭକ୍ତିରେ ଜୀବକୁ ଛନ୍ଦି ଆତ୍ମାକୁ ଛନ୍ଦିଲୁ ଛନ୍ଦା ପାଦେ ବିକାର ତେଜି ଇନ୍ଦ୍ରିୟମାନେ ନୃତ୍ୟନ୍ତି ଗାଇ ରାଧେ ରାଧେ

ଆଙ୍ଗୁଠି ମୁଦିରେ ହୀରାଟିଏ

ଆଙ୍ଗୁଠି ମୁଦିରେ ହୀରାଟିଏ ଅର୍ଦ୍ଧ ଚନ୍ଦ୍ର ପାଖେ ତରାଟିଏ ଛନ୍ଦା ଚରଣରେ ମୋ ଆତ୍ମା ହୃଦରେ ପ୍ରେମ ପଶରାଟିଏ

ହଂସ ଆଉ ପରମ ହଂସ

ହଂସ ଆଉ ପରମ ହଂସ ଗୋଟିଏ ବୃକ୍ଷରେ ଦାରୁବ୍ରହ୍ମ ଚକାଡୋଳା ମହାବାହୁ ଆରତ୍ତ ନାଶନ ଆତ୍ମାର ରାମ ଆଗମ ନିଗମ ଚାରି ବେଦ ଯୋଗ ଜ୍ଞାନ ଭକ୍ତି ପ୍ରେମ ଭାଗବତ ରାମାୟଣ ଶ୍ରୀଗୀତଗୋବିନ୍ଦ ଅକ୍ଷର ବ୍ରହ୍ମ

ପ୍ରଭାତ ପବନ ସୁଗନ୍ଧିତ କମଳ ଗନ୍ଧରେ

ପ୍ରଭାତ ପବନ ସୁଗନ୍ଧିତ କମଳ ଗନ୍ଧରେ ସନ୍ଧ୍ୟା ପବନ ସୁଗନ୍ଧିତ ରଜନୀ ଗନ୍ଧାରେ ଭକ୍ତ ଚିତ୍ତ ବିତ୍ତ ସର୍ବସ୍ବ ସୁଗନ୍ଧିତ ଭାବରେ ମୋ ଆତ୍ମା ସୁଗନ୍ଧିତ ଛନ୍ଦା ପାଦ ବନ୍ଧାରେ

ରଜନୀ ଗନ୍ଧା ଫୁଲ ଫୁଟେ ଗୁଚ୍ଛରେ

ରଜନୀ ଗନ୍ଧା ଫୁଲ ଫୁଟେ ଗୁଚ୍ଛରେ ସୁଚାରୁ ତଳ ଉପରକୁ ଥାକକୁ ଥାକ ପ୍ରତିଟି କଢି କରେ ସଞ୍ଜକୁ ଅପେକ୍ଷା ସାଲେବେଗ ପାଇଁ ନନ୍ଦିଘୋଷ ଚକ

କୃଷ୍ଣ ଯେଉଁଥି ପାଇଁ ଅପଲକ ନେତ୍ର

କୃଷ୍ଣ ଯେଉଁଥି ପାଇଁ ଅପଲକ ନେତ୍ର ମୂଢ଼ ରାମ ଚିତ୍ତରେ ହୁଏ ସଦା ଗୁଣୀ ଚରାଚର ବିଶ୍ୱେ ଅମୃତ ବରଷିବାକୁ ଶ୍ରୀପତି ପରମ ଦୟାଳୁ ବେଣୁପାଣୀ

ଇନ୍ଦ୍ରିୟଗଣ ଝୁଣି ଖାଆନ୍ତି ଦେହକୁ

ଇନ୍ଦ୍ରିୟଗଣ ଝୁଣି ଖାଆନ୍ତି ଦେହକୁ ଏହି ଦେହକୁ ପଞ୍ଚାମୃତ ପାଞ୍ଚ ଭୁତ ଆତ୍ମାକୁ ମହନୀ ଚକାଡୋଳା ଦୁଇ ଦିବ୍ୟ ଗତିକୁ ପତିତପାବନ ନେତ

ତେଜ ହରା ସିମନ୍ତକ ମଣିଟିଏ ମୁହିଁ

ତେଜ ହରା ସିମନ୍ତକ ମଣିଟିଏ ମୁହିଁ ଗାଣ୍ଡୀବ ହରା ଶ୍ରୀକୃଷ୍ଣଙ୍କ ସଖା ପାର୍ଥ ହେ ଶ୍ୱେତପଦ୍ମ ଡୋଳା ଚାହିଁ ଦିଅନ୍ତୁ କୃପାସିନ୍ଧୁ ଥାଉ ଜୀବନ ଯାଏ ବ୍ୟର୍ଥ