--------ଦୟାମୟୀ ମାଆ ଗୋ--------

ନମସ୍ତେ ନମସ୍ତେ ନମସ୍ତେ ହେ ଗିରିଜା ସୁତ ପତିତକୁ କିଛି ହିଁ ଦୟା ନ କଲେ ତୁମ୍ଭ ମାଆ ଗାମୁଛା ପତେଇ ମନ୍ଦିର ଦୁଆରେ ମୁଁ ପଡିଛି ଦୟାକରି ମାକୁ କହିବେ ଅଳ୍ପ କରିବେ ମାୟା [୧] ନମସ୍ତେ ସରସ୍ବତୀ କମଳା କାଳୀ ମାଆ ଗୋ କାନ୍ଧ ଗାମୁଛା ବିଛେଇ ପଡିଛି ତୋ ଦୁଆରେ ଜ୍ଞ୍ୟାନ ଧନ ସୁରକ୍ଷା ଯାହା ହାତ ଟେକି ଦେବୁ କୃପାମୟୀ ସବୁ ବହି ଯାଉ ଭକ୍ତିର ଲୁହରେ [2] ସମସ୍ତ ମାଆଙ୍କ ମନକୁ ସ୍ନେହଁରେ ଖୁନ୍ଦି ଦେଇ ଦୟାମୟୀ ଗୋ ଟିକେ ହୋଇଲୁ ଆନ ମନା ତେନାଲି ରାମର ତଥାପି ଉଦାର ନ ପୁରିଲା ବରଦାନ ଦେଲୁ ଜ୍ଞ୍ୟାନ ଧନର ଅସରା ଗିନା [3] ଅଖିଳ ସଂସାର ଜୀବକୁ ବାଡ଼ି ବୃତ୍ତି ଖଞ୍ଜି ମା ଦୟାମୟୀ ଗଳେ ଲମ୍ବାଇଲୁ ମନ୍ଦାରର ଧାଡି ଶ୍ୟାମା ପ୍ରସାଦ ପରିବାର ଭୋକେ ସଢୁଥିଲା ଛଦ୍ମ ବେଶରେ ମାଆ ବୋହିଲୁ ସଉଦା ଝୁଡି [4] ଅଖିଳ ସଂସାରକୁ ଦେଇ ସୂର୍ଯ୍ୟ ଚନ୍ଦ୍ର ଆଲୋକ ଦୟାମୟୀ ଗୋ ନିଜେ ହେଲୁ ଦୟାମୟୀ ତାରା ସାଧକ ବାମା ଖେପା ତିନି ଦିନ ଉପବାସ ଥିଲା କାଶୀ ଅନ୍ନ ପୂର୍ଣା ଝୁଡିରେ ଫଳ ବୋହିଲୁ ପରା [୫] ଅଖିଳ ସଂସାର ପାପୀ ନିପାତ କରିଥିଲୁ ମା ଗୋ ପାଶାଣ୍ଡ ମିଶି ଶ୍ୟାମା ପ୍ରସାଦକୁ ପକାଉଥିଲେ ବଳି ସନ୍ତାନ ଆଖିରେ ଲୁହ ସହି ନ ପାରି କରୁଣାମୟୀ ଯୁପ ଖୁଣ୍ଟିରେ ନିଜ ବେକ ପୁରାଇଲୁ ରଖିଣ ଅଳି [୬] ଦାରୁକାସୁର ମହିଷାସୁର ଅସଂଖ୍ୟ ବଧିଲୁ ଅସୁର ତଥାପି ଦର୍ପରେ ଦଶାନନ କଲା ସୀତାଙ୍କୁ ହରଣ ରାଜୀବ ଲୋଚନକୁ ଦେଲୁ ଅଭୟ ହସ୍ତ କମଳ ତେଜିଲୁ ମା ତୋ ମାନସ ପୁତ୍ର ଲଙ୍କାର ରାବଣ [୭] ଅଖିଳ ଜୀବ ମଧ୍ୟେ ଜୀବନ ରୂପେ ସ୍ଥିତ ମା ରାମକୃଷ୍ଣ ଲାଗି ହେଲୁ ଜିଅନ୍ତା ଦକ୍ଷିଣ କାଳୀ ନରେନ୍ଦ୍ର ନାଥ ସନ୍ଦେହ କଲା ତୁହି ପଥର ମୂର୍ତ୍ତି ହସ୍ତରେ ଖେଳିଲୁ ରକ୍ତ ଲହଡି ଭଳି [୮] ଧର୍ମ ସଂସ୍ଥାପନ ନିମନ୍ତେ ବସ୍ତ୍ର ତେଜିଥିଲୁ ସୁବ୍ରମନୀୟ ପାଇଁ ତେଜିଲୁ କର୍ଣ୍ଣ କୁଣ୍ଡଳ ସେହି କୁଣ୍ଡଳ ହୋଇଲା ପୁଣ୍ୟ ପୂର୍ଣ୍ଣ ଚନ୍ଦ୍ର ଉଦ୍ଭାସିତ ଜୋତ୍ସନାରେ ଆକାଶ ମଣ୍ଡଳ [୯] ଅଖିଳ ପଡି ଦାତ୍ରୀ ମାଆ ଗୋ ଅନ୍ନପୂର୍ଣା ବାର ବର୍ଷ କାଳ ଅଭୁକ୍ତ ଥିଲେ ଜଗନ୍ନାଥ ଚଣ୍ଡାଳୁଣୀ ବେଶରେ ରାନ୍ଧି ଭୁଞ୍ଜାଇଲୁ ମା ପୂର୍ଣ୍ଣ ହେଲା ଦେଢ଼ଶୁରଙ୍କର ମନୋରଥ [୧୦] ଧର୍ମ ସଂସ୍ଥାପନ ମା ତେଜିଲୁ କୁଣ୍ଡଳ ବସ୍ତ୍ର ବାକି ରହି ଯାଇଥିଲା ପାଶେ ତୋ ପ୍ରାଣ ତେତ୍ରୟା ଯୁଗରେ ପାତାଳ ଗାମୀ ହେଲୁ ଦୟାମୟୀ ମାଆ ତୋଷିବାକୁ ସାଧାରଣ [୧୧] ଏ ଅଖିଳ ନିଖିଳରେ ମୁଁହି ଅତି ନିରେଖ ମାଆ ଗୋ ମା ଡାକି ନ ଜଣାଇ ତୋତେ ତୋ ଭକ୍ତଙ୍କ ଚଲା ପଥକୁ ଆଶ୍ରା କରିଛି ପାଷାଣୀ ଲୋ ପଣତେ ଘୋଡା ମୋତେ [୧୨]